نشرة أخبار محكمة الأسرة اليوم
محكمة الأسرة اليوم| نوال: طفشت بقالي 12 من عمايله.. وسامية: ابني مبهدلني من ساعة ما جوزي مات
محكمة الأسرة اليوم .. تقصد الزوجة القضاء في نهاية المطاف بعد ما تفشل في إصلاح حياتها الزوجية من خلال دعوى طلاق أو خلع تقيمها، ويعرض موقع الحادثة أخبار محكمة الأسرة اليوم من خلال النشرة التي يعرضها يوميًا.
نوال: طفشت بقالي 12 من عمايله وميعرفليش طريق جرة
لم تكمل نوال شهرها الثاني في عش الزوجية واتخذت قرارها النهائي بترك المنزل دون علم زوجها، بعد ما أدركت أنها لا تريد هذه الحياة، وتستكمل الزوجة: "لما فكرت كويس لقيت الحل إني أسيب البيت وفعلا سيبته في تاني شهر جواز بقالي 12 سنة عشان مش هستحمل أعيش معاه بالطريقة دي خالص، وهو كل حياته المخدرات بس، وروحت عيشت في بيت عيالي، اختارت مكان هو مش عارفه عشان ميعرفش يوصلي خالص، الحياة خدتني مع عيالي والشغل ومفكرتش في الخلع غير دلوقتي وجيت ارفع قضية خلع لسة بقالي شهرين بس"، وكانت دعوى الخلع بعد 12 عام هي الحل الوحيد.
محكمة الأسرة اليوم.. رحاب: اتجوز عليا في تالت شهر عشان ميخلفش بوعده معاها
"قالي انا اتجوزت عليكي واحنا لسه في تالت شهر جواز"، كانت هذه الكلمات الأولى في قصة رحاب التي بدأت بها لقاضي محكمة الأسرة مؤكدة على حبه الشديد لها قبل الزواج وإصرار على الزواج منها.
تسترجع الزوجة شريط حياتها وتقول: "كنا مع بعض في الكلية وهو كلمني وقالي انه عايز يتجوزني خلصنا الكلية واتجوزنا على طول وكان كويس معايا أول ما اتجوزنا بس معرفش اية اللي حصل وفاجئني بالجواز ولما قعدنا واتكلمنا اكتشفت إنه كان واعدها من واحنا في الخطوبة"، تغاضت عن هذه المرة لعل الأمور تتحسن ولكن كرر خياناته أكثر من مرة لذا قررت التوجه إلى محكمة الأسرة ورفع دعوى طلاق للضرر.
محكمة الأسرة اليوم.. سامية: ابني مبهدلني من ساعة ما جوزي توفى
حياة مثالية عاشتها سامية في عش الزوجية على مدار 30 عام مع زوج يفعل كل ما بوسعه من أجل رضاها، تحول كل هذا في غمضة عين بعد وفاة الزوج لتجد ابنها الأكبر هو سبب تعاستها وشقاءها في الحياة بسبب معاملته القاسية والجافة معها.
أضافت لقاضي محكمة الأسرة: "بعد لما اتجوز قولت له نسدد الفلوس اللي عليا أنا وأنت اللي هي أصلا فلوس جهازه عشان كتير 153 ألف جنيه مش هعرف اسددهم لوحدي لقيته مد إيده عليت أنا وأخواته البنات الأربعة وبقا علطول قلة أدب ويشتم فيا في الرايحة والجاية، أنا وأخواته بقينا مقاطعينه، وهو ميعرفش أي حاجة عن أخواته البنات ولا حتى بيفكر يساعدني في جهازهم ولا أي حاجة، عندي بنت خلاص هتتجوز والمأذون قالي اعمل قرار وصايا وجيت محكمة الأسرة عشان اعمل قرار وصايا".
محكمة الأسرة اليوم.. نهى: بيدي المرتب لأمه وسابني أنا والعيال
طرقت نهى باب محكمة الأسرة من أجل رفع دعوى نفقة عندما تصاعدت المشكلات بينهما بطريقة لم تتحملها نهى، فلم تجد أي حل لمشكلاتها مع زوجها سوى رفع قضية نفقة لتنقذها.
أنهت الزوجة رواياتها قائلة: "سايبني انا والعيال من غير فلوس ومش فارق معاه وبياخد المرتب ويروح يديه لأمه ولا اتكلمت يبقى أنا كدا الوحشة، لما لقيت مفيش فيه فايدة خالص قلت خلاص مبدهاش بقى لازم اتصرف ورفعت عليه قضية نفقة عشان يصرف عليا أنا والعيال".
تابع أحدث الأخبار عبر
