محكمة الأسرة في أسبوع
محكمة الأسرة في أسبوع.. عايدة: زور وصولات أمانة عشان يحبسني.. ومريم: أمه مطلعاني حرامية
تشهد محكمة الأسرة كل يوم آلاف القضايا من الخلع والطلاق تختلف أسبابها من زوجة لأخرى ولكن في النهاية يبقى الهدف واحد وهو التخلص من حياتهن الزوجية، يعرض موقع الحادثة أبرز القضايا التي شهدتها محكمة الأسرة خلال الأسبوع.
عايدة: جوزي زور وصولات امانة عشان يحبسني
"سألنا عليه وعلى أهله ومسمعناش حاجة وحشة واتجوزنا ومن بعد الجواز بكان شهر المشاكل بدأت" كانت هذه الكلمات الأولى التي بدأت بها عايدة رواياتها لقاضي محكمة الأسرة مؤكدة: "الخلافات مع جوزي كانت كتير كان سببها إنه مبيصرفش من زمان وشايل إيده من أي مسؤولية دا غير إنه بيضربني ويشتمني وكسرلي كل عفشي ،من زمان وهو كدة ومكنتش عارفة اعمل معاه"، تفاقمت المشكلات والخلافات.
أنهت عايدة رواياتها لقاضي محكمة الأسرة: "اخر مشكلة حصلت بينا اللي خلتني اسيبه لما تخانقنا بسبب المصاريف واكتشفت ساعتها انه اتفق مع محامي وعمل وصولات امانة مزورة عشان يحبسني بيها وكان بيهددني بالوصولات اللي معاه، رفعت طلاق للضرر من سنتين، واطلقت ومن ساعتها وانا رافعة قضايا نفقة وزيادة نفقة".
منال: محرمني أنا والعيال نبص من البلكونة
دعوى خلع قصدتها منال بعد 12 عام من الخلافات والمشكلات المستمرة بسبب الزوج الذي يفتعل المشاجرات من اللاشيء، حاولت التأقلم كثيرَا ولكنها فشلت ما جعلها تفكر في الانفصال الحتمي، قالت الزوجة للقاضي: "موريني الويل أنا والعيال بسبب أسلوبه اللي زي القرف، والمشاكل عمال تزيد بينا وانا مش عارفة اتعامل معاه اواي، حتر الخروج مانعني منه أنا والعيال، ومحرمني نبص من البلكونة حتى، زهقت من العيشة معاه وأنا مش عارفة اتعامل معاه خالص وطول الوقت خناق أنا وهو ليل ونهار، اخر ما زهقت رفعت عليه قضية خلع".
مريم: أمه مطلعاني حرامية
دعوى طلاق في محكمة الأسرة قصدتها مريم في السنة الأولى من الزواج لها بعدما ظنت أن حياتها تنعم بالاستقرار والسعادة الغامرة ولكن تحولت أحلامها السعيدة في غمضة عين في السنة الأولى وكان قدرها قصد محكمة الأسرة لتنقذ حياتها.
وقالت مريم لقاضي محكمة الأسرة: "سبت البيت كتير بسبب أهله والمشاكل بينا بقت كتير اوي وكل دا في أول سنة، بس اللي زود الطيبة بلة إنه لما بقى أمه بتقول عليا حرامية مقلهاش أي حاجة خالص وعدى الموضوع عادي، مقدرتش استحمل إنه ومش فارق معاه اتهان من أمه حتى، رفعت قضية طلاق في محكمة الأسرة في أول سنة ليا بعد لما مستحملتش اعيش معاه يوم واحد تاني هو وأمه".
حنان: طليقة أخويا حليت في عينه
قصدت حنان محكمة الأسرة بعدما عانت من خيانات لا حصر تحملتها من أجل الحفاظ على المنزل والأولاد، وأضافت الزوجة لقاصي محكمة الأسرة: "خاني كتير وكل مرة يوعدني إنها أخر مرة وإنه مش هيخوني تاني بس بيرجع يخوني تاني، وأنا كنت بعدي عشان البيت والعيال بس اللي مقدرتش استحمله لما عرفت إنه حاطط عينه على طليقة أخويا وعايز يتجوزها وفعلا اتجوزها"، تفاقمت المشكلات وطلبت حنان الطلاق ولكنه رفض ما جعلها تترك المنزل واتوجه إلى محكمة الأسرة من أجل رفع دعوى نفقة حتى تحصل على حقها هي والأولاد.
تابع أحدث الأخبار عبر
