أحدث الأخبار
الجمعة 02 مايو 2025
رئيس التحرير
محمد أبو عوض
رئيس التحرير التنفيذى
أحمد حسني

محكمة الأسرة اليوم

سها لـ محكمة الأسرة : مستغفلني بقاله 3 سنين وطلع متجوز عليا

سها في دعوى طلاق
سها في دعوى طلاق

على أعتاب محكمة الأسرة وقفت سها تروي  حكايتها بعد حياة مثالية عاشتها في عش الزوجية لأكثر من 14 عام ، أثمر عن 4 أولاد، ظنت أن حياتها تسير في هذا الطريق السعيد ، ولكن الزوج غير شكل حياتهما بالكامل بسبب خيانته لها.


قصص محكمة الأسرة.. بقاله 3 سنين متغير معايا

 

مفاجأة غير متوقعة من الزوج بعد سنوات من الاستقرار جعلت سها تلجأ للقضاء بعد ما وجدت أنه الخل النهائي لمشكلتها، تابعت: "حياتنا كانت زي الفل، ومكنش في مشاكل تقريبًا غير المشاكل العادية اللي موجودة في أي بيت حتى لما كنا بنتخانق خناقة كبيرة شوية كان أخري أغضب عند بيت أهلي كام يوم وخلاص الحوار خلاص، وحياتنا كانت مستقرة وعايشين كويسين الحمدلله بس مل دا بدأ يتغير من 3 سنين، وبقيت اشوف حد تاني قدامي".


حكايات محكمة الأسرة.. مش عايز يأكل معايا انا والعيال


بدأت سها تلاحظ تغير زوجها الملحوظ معها هي والأولاد ما جعل المشكلات تتفاقم بينهما بطريقة يصعب السيطرة عليها، استكملت رواياتها: "كان كويس معايا أوي انا والعيال بصراحة ومكنش مخلينا عايزين حاجة بس بقاله 3 سنين وهو متغير معانا خالص بقا علطول خناق وزعيق حتى الأكل مبقاش عايز ياكل معانا، وبقينا كل شوية خناق وبقيت بسيب البيت كل شوية.


روايات محكمة الأسرة.. طلع متجوز عرفي

تصاعدت المشكلات بعد ما اكتشفت سها السبب الحقيقي وراء تغيره المفاجئ معها، تستكمل رواياتها لقاضي محكمة الأسرة قائلة: "عرفت سبب تغيره معايا بقاله 3 سنين واكتشفت إنه متجوز عليا عرفي ومخبي عليا ، وأنا كنت أقول معلش يمكن ظروف في الشغل يمكن ضغط ومطلعش ضغط ولا حاجة وكان بيتدلع مع مراته التانية"، لم تتحمل سها حياتها مع زوجها بعد ما علمت بخبر زواجه العرفي لذا قررت اللجوء إلى محكمة الأسرة ورفع دعوى طلاق تنفذها من حياتها مع زوجها.

تابع أحدث الأخبار عبر google news