أخبار محكمة الأسرة
بسببه العيال خابت.. سمية لـ محكمة الأسرة : معقد وعنده مشاكل نفسية
توجهت “سمية” إلى محكمة الأسرة وفي عينيها الدموع على ما خسرته في حياتها من سنين عاشتها في شقاء وتعب، وخسارتها لأولادها بسبب ما وصلوا إليه من فشل في حياتهم، وعلى بيتها وحياتها الذي تدمر ولم تستطع إنقاذه، كل هذه الأسباب كانت تكفي لتوصلها لمحكمة الأسرة وهي تجز أذيال الحسرة وكل ذلك بسبب زوجها.
قصص محكمة الأسرة.. كنت رافضة جوزي لما اتقدملي
قالت «سمية» في بداية حديثها: «أنا متجوزة بقالي 19 سنة وحلفت من جوزي 3 بنتين وولد، اتجوزنا عن طريق جواز صالونات ولما اتقدملي أنا كنت رافضاه ومكنتش عايزه اتجوزه بس أهلي غصبوا عليا وقالولي كويس ومفيهوش حاجة وحشة وغصبوني أوافق عليه».
دعاوي محكمة الأسرة.. مبيصرفش عليا انا والولاد
أكملت «سمية» حديثها وقالت: بعد الجواز المشاكل بدأت هي كانت موجودة من الخطوبة بس أنا اللي كنت رعدي وبستحمل وأقول مبوظش الدنيا، كانت المشاكل بينا على كل حاجة بسبب ومن غير سبب، مكنش بيرضى يصرف عليا أنا والولاد خالص مع إن معاه فلوس بس بخيل وطبعه صعب ومحدش يقدر يقنعه بحاجة ».
حكايات محكمة الأسرة.. دمر حياة ولادي بقوا زيه
تابعت «سمية» حديثها قائلة: «كان معقد نفسيا وبيكرهني، مل لما اشتكيه لحد يطلع نفسه مظلوم عنده استعداد يعمل أي حاجة عشان محدش ياخد منه فلوس ويطلع مظلوم، المسؤولية عليا كانت صعبة جدا عليا وهو كان بيعاملني كأني عدوته، المشاكل بيني وبينه نتيجتها كانت صادمة ليا وللمحيطين بيا ولادي كانت تربيتهم مش كويسه وكانوا فاشلين في الدراسة ومكنوش نافعين في حاجة وبيتعاملوا زيه».
قضايا محكمة الأسرة.. مبيسألش وعايش حياته
أنهت «سمية» حديثها قائلة: «لحد ما تعبت منه ولقيت العيال كل مادى حالهم بيسوء، قررت اسيبه ورحت عند أهلي خدت بناتي عشان انقذهم وسيبتله الولد يمكن يقدر عليه لأنه زيه بالضبط وانا مقدرش على تربيته، ومن ساعة ما سيبته وهو عايش حياته ومش بيسأل أهم حاجة عنده نفسه وأهله اللي بيقوموه علينا عشان مشينا، ولما طلبت منه الطلاق طنش ومدانيش رد حتى، وجيت المحكمة عشان أرفع عليه قضية خلع ونفقة».
تابع أحدث الأخبار عبر
