أخبار محكمة الأسرة اليوم
محكمة الأسرة.. هادي: اتجوزتها 6 شهور وبهدلتني في المحاكم
كانت محكمة الأسرة هي المكان الذي تواجد فيه «هادي» بعد المدة القصيرة التي قضاها مع زوجته التي لم تصون بيتها أو زوجها وقررت أن تدعي ادعاءات كاذبة في المحكمة على زوجها الذي لم يريد سوى أن يعيش حياة مستقرة مع زوجته ويبني بيت وأسرة.
قصص محكمة الأسرة.. اتعرفت على مراتي عن طريق الشغل
قال «هادي» في بداية حديثه: «أنا اتعرفت على مراتي عن طريق الشغل كانت كويسة جدا وكنا بنحب بعض اتقدمتلها واتخطبنا واتجوزنا بعدها على طول الدنيا في أول الجواز كانت كويسة ومفيش مشاكل بس كل ده مكملش غير أسبوعين بس».
حكايات محكمة الأسرة..مفيش حاجة عاجباها
تابع «هادي» حديثه قائلا: «المشاكل معاها بدأت من بدري أوي في الجواز ومكنتش فاهم ايه سببها عشان كنا لسه متجوزين كنت مش عارف اعمل ايه، كانت بتشتكي من المصاريف وأنها على طول مفيش حاجة عاجباها وكانت بتشك فيا إني بخُنها، عديت كتير محدش يستحملها عشان معملش مشاكل وامشي الدنيا لكن هي مكنش فيه فايدة معاها».
دعاوي محكمة الأسرة.. رفعت عليا قضية تبديد منقولات
تركت الزوجة بيت زوجها بعد أشهر قليلة فقط من زواجهم، وبالرغم من عدم رغبته في خراب بيته وصل لمحكمة الأسرة بسببها وبسبب ادعائها الكاذب عليه وتحمل نتيجة أنها قررت أن تدمر ما تبقى من حياته.. أضاف الزوج لكلامه: «لحد في مرة حصل بينا مشكلة زي كل مرة كنا لسه بقالنا 6 شهور متجوزين سابت البيت وراحت عند أهلها وكانت أول مرة تسيب البيت، وبعدها بفترة لقيتها رفعت عليا قضية تبديد منقولات وسرقة عفش وانا مخدتش حاجة وكل حاجة لسه زي ما هي أصلا ولما مشيت أصلا خدت كل حاجة معاها».
قضايا محكمة الأسرة.. بتقول عليا مبصرفش عليها
أنهى «هادي» حديثه قائلا: «طلعت براءة من قضية تبديد المنقولات، لقتها رفعت عليا قضية طلاق للضرر إني مبصرفش عليها وده محصلش هي اللي سايبه البيت وانا كنت بصرف عليها طول ماهي في البيت وعايشة معايا، لما لقيت الوضع كدة جيت المحكمة أعمل إنذار بالطاعة بما انها بتقول إني مبصرفش عليها ومبديهاش حقها».
تابع أحدث الأخبار عبر
