محكمة الأسرة اليوم
محكمة الأسرة.. منار بدعوى حضانة: ماسكني من إيدي اللي بتوجعني وواخد عيالي مني
دعوى ضم حضانة أقامتها منار في محكمة الأسرة بعد ما تصاعدت المشكلات بينهما بطريقة جعلتها تريد الفرار من حياتها معه، فشلت كل المحاولات التي قدمتها الزوجة على أمل صلاح حالهم، قررت الزوجة في النهاية ترك المنزل ولكن الزوج أخذ منها الأطفال عنوة وكان هذا السبب الذي جعلها تلجأ إلى محكمة الأسرة ورفع دعوى ضم حضانة.
حكايات محكمة الأسرة.. مستحملة قرفه من أول الجواز
تستهل منار رواياتها لقاضي محكمة الأسرة ، مؤكدة على أنها تعاني من مشكلات مستمرة من بداية الزواج ، ولكنها كانت تحاول مرارا وتكرارا إصلاح الوضع معه على أمل تغير حياتها للأفضل ، ولكن ما حدث عكس ذلك نهائيًا، تابعت: "من أول الجواز وهو مطلع عيني ، وأنا كنت بقول مش مشكلة عادي اكيد هيتغير بس مفيش فايدة فيه كان بيتغير للأسوأ، من ناحية ضرب ومعاملة وحتى مصاريف البيت بيدهالي بطلوع الروح".
قصص محكمة الأسرة.. ماسكني من الايد اللي بتوجعني
صبرت منار على حالها وحياتها التعيسة على أمل إصلاح حياتها الزوجية ، ولكن المشكلات بدأت تتمادى ويتدخل الأهل بينهما، تستكمل حكاياتها للقاضي وتقول: "مطلع عيني على مصروف البيت، وكل ما أكلمه يقولي هو دا اللي معايا إذا كان عاجبك، الأول كنت بمشي الدنيا بأي حاجة بيسيبهالي بس بعد ما خلفت المصاريف كترت ومبقاش يكفيني الملاليم الي بيسيبهالي"، أضافت: "كل ما أقوله هسيب البيت يقولي براحتك بس هتسيبي العيال، وكل مرة كنت بقعد عشان هو ماسكني من الايد اللي بتوجعني عشان عارف إني هقعد عشان مياخدش مني العيال".
قضايا محكمة الأسرة.. منار في دعوى ضم حضانة
تفاقم المشكلات بينهما ما جعلها تفكر في ترك المنزل وظنت أنها تأخذ أولادها معها ولكن الزوج كان له رأي أخر، تتابع: "كل يوم خناق يا إما على المصاريف أو على معاملته اللي زي الزفت معايا أنا والعيال، أخر خناقة مقدرتش استحمل وقلتله أنا هسيب البيت قالي مع السلامة بس عيالك هيفضلوا معايا مش هتاخديهم زي كل مرة"، أختتمت الزوجة رواياتها لقاضي محكمة الأسرة قائلة: "مقدرتش استحمل اقعد يوم واحد تاني زيادة معاه، وكنت فاكراه بيهزر، بس وأنا خارجة من البيت لقيته شد مني العيال وقالي مش هيخرجوا من باب الشقة"، وكانت محكمة الأسرة في النهاية هي الحل الأمثل لتنقذ أولادها من زوجها.
تابع أحدث الأخبار عبر
