أخبار محكمة الأسرة
حكايات محكمة الأسرة.. رحاب : جوزي مريض نفسي ومحدش يقدر يتحمله
لجأت “رحاب” لـ محكمة الأسرة بعد المعاناة التي عاشتها مع زوجها الذي تبدل، وأصبح شخص لا يصلح أن يكون زوجًا أو أبًا وانعدمت منه الرحمة تجاه زوجته وأبنائه، وبعد سنين المعاناة التي عاشتها توجهت لمحكمة الأسرة على أمل أن تجد حلًا مع رجلٍ لم يقدرها أو يصونها وحتى عندما طلبت الطلاق ما وجدته منه هو القسوة حتى اضطرها أن تتوجه لمحكمة الأسرة حتى تحصل على حريتها.
قصص محكمة الأسرة.. جوزي بني آدم صعب ومحدش يقدر يتحمله
قالت “رحاب” في بداية حديثها : «أنا اتجوزت من 2015 خلفت ولدين، اتعرفت على جوزي عن طريق الشغل اتقدملي ومفضلناش كتير مخطوبين من بعد الجواز الوش الحقيقي ليه ظهر كان بني آدم صعب ومحدش يقدر يتحمله أو يعيش معاه».
حكايات محكمة الأسرة.. جوزي مريض نفسي ومحدش يقدر يتحمله
تابعت “رحاب” حديثها قائلة: «المشاكل معاه بدأت من زمان أوي، كان بيضربني أنا والولاد بسبب ومن غير سبب، كان لو لقانا بناكل من غيره أو عرف إننا كلنا من غيره يضربني أنا و العيال ويبهدلنا، كان بني آدم مريض نفسي ومش طبيعي بس كل ده مكنش باين عليه قبل ما نتجوز».
دعاوي محكمة الأسرة.. لو طلبت مصاريف البيت اتضرب واتبهدل
أضافت الزوجة: «فوق عمايله دي كلها كان مبيصرفش عليا أنا والعيال وأنا وهو كنا بنشتغل وبنصرف بس هو كان بيخلي فلوسه كلها لنفسه ولو طلبت منه أي حاجة اتضرب واتهان عشان بطلب مصاريف البيت ليا أنا والعيال عادي».
قضايا محكمة الأسرة.. لما طلبت الطلاق اتهانت واتبهدلت
أنهت “رحاب” حديثها قائلة: «لحد أخر ما تعبت منه ومن عمايله وجنانه ده قررت اسيب البيت وأخد عيال وأمشي ومرجعلوش تاني أبدا أنا خلاص تعبت من الحياة دي ولو فضلت معاه هيعمل فيا أو في ولادي حاجة، ولما طلبت منه الطلاق ودي رفض وضربني وأنا في بيت أهلي كان هيموتني في ايده، وجيت رفعت قضية طلاق للضرر عشان أخلص منه وأخد حقي أنا وولادي».
تابع أحدث الأخبار عبر
