محكمة الأسرة اليوم
محكمة الأسرة وعجائبها.. سمر: مطلع عليا سمعة إني بتاعة رجالة
لم تكمل سمر عامها الخامس في عش الزوجية لتجد حالها على أعتاب محكمة الأسرة تستنجد بالقضاء لينقذها من حياتها البائسة مع زوج يكاد يكون مجنونا ، بعد ما شاهدت منه تصرفات لا تدل على رجل يعرف ما هي معنى الرجولة الحقيقة، وكان الحل الأخير لها دعوى خلع أقامتها في محكمة الأسرة.
قصص محكمة الأسرة.. أول سنة كان كويس معايا
اقتربت سمر نحو محكمة الأسرة بعد ما فقدت الأمل في إصلاح حياتها التي تمنت أن تنعم بسعادة واستقرار مثل باقي أصدقائها الذين ينعمون بحياة زوجية مستقرة دون أي خلافات أو مشكلات، استهلت حديثها لقاضي المحكمة وقالت: "كان كويس معايا في أول سنة جواز بس بعد كدا اتحول وبقا واحد تاني معرفهوش، ومكنتش عارفة إية السبب بس عرفته بعد فترة".
حكايات محكمة الأسرة.. المشاكل بدأت تكبر بينا بعد أول سنة
توصلت سمر للسبب الذي جعل زوجها يتحول لشخص أخر، تابعت: "لقيته متغير معايا في المعاملة جامد وانا مش فاهمة ليه وبقيت احس في حاجة غريبة بس انا برضوا مكنتش عارفة في اية، بس عرفت بعدين إنه بقى يحشش وبيشرب كل أنواع المخدرات تقريبا"، أضافت الزوجة قائلة: "عشان كدا متغير معايا بالطريقة دي، دا غير الضرب طبعا اللي على اتفه حاجة واللي خلى المشاكل تكبر بينا".
عجائب محكمة الأسرة.. مطلع عليا سمعة إني بتاعة رجالة
تحملت الزوجة كل هذا التغير من أحل الحفاظ على بيتها ولكن كانت النتيجة غير متوقعة وتصرفاته فاقت حدود العقل، تستكمل سمر باقي رواياتها وأوضحت السبب الرئيسي لقصدها محكمة الأسرة ورفع دعوى خلع وتقول: "عديت ضربه ليا وكنت بقول مش مشكلة استحمل عشان البيت، بس هو اتجنن خالص ومبقاش عارف هو بيعمل اية ولا بيقول اية، واخرتها إنه قال عليا إني بتاعة رجالة وبمشي مع رجالة من وراه، وبقى مطلع عليا السمعة دي في المنطقة كلها"، أنهت سمر رواياتها قائلة: "خلاص مقدرتش استحمل أعيش يوم واحد مع راحل بالاسم بس ميعرفش حاجة عن الرجولة اللي بجد، سبتله البيت ورفعت عليه قضية خلع بقالي 7 شهور"، ولا تزال الدعوى منظورة في المحكمة حتى الآن".
تابع أحدث الأخبار عبر
