أخبار محكمة الأسرة
محكمة الأسرة.. هدى: بيسرق دهب البيت عشان مزاجه
على أعتاب محكمة الأسرة تواجدت «هدى» مثل العديد من السيدات التي كان سبب تواجدهن هو إدمان أزواجهن للمخدرات، كان ذنب الزوجة الوحيد أنها أرادت أن تحافظ على بيتها وأسرتها وعاقبها زوجها ودمر أمالها وأحلامها، منذ زواج «هدى» كانت الحياة مع زوجها صعبة كان لا يكفي بيته من أموال للمصاريف لها ولأبنائها، وبعد كل تحمل الزوجة له اكتشفت في النهاية أن الزوج مدمن للمخدرات وعلمت ذلك عندما وجدت أن ذهبها وذهب ابنتها الوحيدة يختفي بسبب سرقة الزوج له، وعندما واجهته الزوجة ما وجدته منه هو عدم الندم والقسوة واضطرها وقتها أن تتوجه لمحكمة الأسرة حتى تحصل على حقوقها وحريتها بعد سنين المرار والألم التي عاشتها مع زوجها.
محكمة الأسرة.. هدى: بيسرق دهب البيت عشان مزاجه
قصص محكمة الأسرة.. الحياة كانت طبيعية ومفيش مشاكل
قالت «هدى» في بداية حديثها:« أنا اتجوزت من 9 سنين، خلفت من جوزي بنت واحدة، كان جواز عن طريق المعارف عادي، كان في الأول راجل زي أي راجل مفيش منه مشكلة وافقت عليه واتجوزنا والدنيا كانت ماشية كويس».
حكايات محكمة الأسرة.. جوزي بيشرب مخدرات من زمان
تابعت «هدى» حديثها قائلة: «بعد جوازنا بفترة قليلة اكتشفت أن جوزي بيشرب مخدرات أنا كنت عارفة إنه بيشرب من زمان بس قلت بيشرب حشيش عادي وقليل زي الناس كلها بتشرب، سكت وعديت وقلت خلاص، مكنتش اعرف أن الموضوع هيزيد عن حده ويخرب بيتنا».
دعاوي محكمة الأسرة.. جوزي سرق حلق بنتي
أضافت الزوجة: «المشاكل مع جوزي كانت على المصاريف مكنش بيصرف علينا خالص، كان بيحلص مرتبه كله على المخدرات وأنا وعياله مش لاقيين أكل ولا شرب، استلفت كتير وحاولت امشي الدنيا، لحد ما لقيت أن دهبي بيختفي ومش بلاقيه، كنت حاسه ان جوزي اللي خده بس قلت معملش مشاكل واخرب البيت بس أخرتها سرق حلق بنتي الصغيرة عشان يجيب لنفسه المخدرات اللي عايزها».
قضايا محكمة الأسرة.. كرهت حياتي مع جوزي
أنهت « هدى» حديثها وقالت: «وقتها سيبته ومرضيتش أكمل معاه ولا أعيش معاه في نفس البيت لأن خلاص المخدرات لحست دماغه، من ساعة ما سيبته وهو مش راضي يسيبني في حالي كان بيسأل وحاول يرجعني بس أنا رفضت وجوده في حياتي بقى ملهوش لزمة خلاص، طلبت منه الطلاق ورفض، لحدما رفعت قضية الخلع عشان أخلص منه، لحد دلوقتي لسه بيشرب مخدرات ودماغه كلها للمخدرات بس».
تابع أحدث الأخبار عبر
