أخبار محكمة الأسرة اليوم
محكمة الأسرة وغرائبها.. أحمد: شربت الحشيش بسببها ولبستني قضية علشان تخلع
وقف «أحمد» على أبواب محكمة الأسرة يبحث عن حل لمشاكله مع زوجته، والتي ملأت حياته معها بالخلافات والمشاكل، وكان ذلك دافعًا لشربه الحشيش الذي حاول بشتى الطرق فيما بعد أن يتوقف من أجل مصلحة أبنائها، وبعدما وعدته زوجته أن تحاول معه أن يعيشوا حياة مستقرة وجد منها القسوة والغدر، ادعت عليه ادعاءات كاذبة ليدخل السجن ولم تصن العشرة بينهما حتى اضطرته أن يتوجه لمحكمة الأسرة ليعلم كيف سيكون مصيره.
قصص محكمة الأسرة .. أنا ومراتي بنشتغل وبنساعد بعض
قال «أحمد» في بداية حديثه: «أنا اتجوزت مراتي من 10 سنين، كان جواز عن طريق القرايب من بعيد، أول الجواز الدنيا كانت كويسة ومفيش مشاكل، خلفت منها 3 أولاد، أنا وهي كنا بنشتغل وبنساعد في مصاريف البيت والحياة عادية وماشية».
حكايات محكمة الأسرة .. بشرب حشيش بسبب الخلافات بيني وبين مراتي
تابع «أحمد» حديثه قائلة: «الخلافات بدأت بعد كذا سنة جواز وكانت على طول بتزيد كان بيبقى في خلافات على كل حاجة سواء تخص البيت أو الولاد، كنت بحاول أحل المشاكل دي ودي عشان خاطر العيال لكن مفيش فايدة، أنا كنت بشرب حشيش زمان بس قليل أوي مع زيادة المشاكل بقيت أشرب أكتر، لما مراتي عرفت أني بشرب حشيش الموضوع ده عمل مشاكل أكتر بينا».
دعاوي محكمة الأسرة.. استغلت ضرسها وارم وبتقول إني ضربتها
أضاف الزوج لكلامه: «بعد مشاكل كتير بسبب موضوع الحشيش وعدتها إني هبطل حشيش، وهي قالت هتقف جنبي ومش هتسيبني، لحد ما فجأة سابت البيت، ولما مشيت اكتشفت أنها كان ضرسها وارم راحت عملت فيا محضر إني ضاربها وعشان هي دكتورة سنان كانت عارفة ايه اللي يبان وميبانش ويخلي الناس تفتكر أني ضربتها».
قضايا محكمة الأسرة.. خدت عليا حكم سنة سجن ظلم
أنهى «أحمد» حديثه قائلا: «عملت فيا محضر ضرب وأنا عمري ما ضربتها، وبعد كده خدت حكم سنة سجن، رفعت عليا قضية خلع بعد ما خدت الحكم، مقدمة في ورق الخلع إني عليا حكم سنة وجيت المحكمة عشان أعرف هي رافعة عليا قضايا قد ايه».
تابع أحدث الأخبار عبر
