محكمة الأسرة اليوم
محكمة الأسرة.. سلوى: بيديني فلوس بالقطارة وأخرها عايز يقسط المصروف
كانت دعوى النفقة في محكمة الأسرة ، هي أخر حل توسلت إليه سلوى بعد صراعات وخلافات بالكوم على مصروف البيت التي أرادت مروة زيادته ، ولكنه خلق فكرة جديدة لحل مشكلات المصروفات من خلال تقسيط المصروف الشهري ، وكانت هذه الفكرة التي جعلتها تصر على التوجه إلى محكمة الأسرة.
قصص محكمة الأسرة.. بقاله 3 سنين مش عايز يصرف
استهلت سلوى رواياتها للقاضي قائلة: "في أول الجواز كان بيصرف عادي مفيش مشاكل خالص بينا على المصروف، بس بقاله 3 سنين متغير معايا وكل خناقاتنا على المصاريف اللي مش راضي يدفعها دي"، تابعت: "بيديني المصروف بالقطارة ويوم يسيب وعشرة لا وانا مع نفسي بقا مش فارق معاه اتصرف منين ولا اصرف على العيال إزاي، مشاكل ملهاش أول ولا أخر بسبب المصروف".
روايات محكمة الأسرة.. الخناقات كلها على المصاريف
حاولت التغاضي ومساير ة أمورها حتى لا تتفاقم المشكلات ولكن إصرار الزوج على عدم الإنفاق، تستكمل سلوى رواياتها وتقول: "سبت البيت بسبب موضوع المصروف اللي بيدهولي بالعافية دا بعد خناق، وأهلي اتكلموا معاه كتير وقالوله ولادك ملهمش دعوة لازم تصرف عليهم"، أضافت: "تعبت من الخناق كل يوم وعل ة ننفس الموضوع وهو برضوا ومفيش أي حاجة جديدة بتحصل، فكرت في قضية النفقة قبل كدا كتير بس أهلي قالولي بلاش تدخلي المحاكم بينكم، وكنت بشيل الفكرة من دماغي عشان المشاكل متكبرش".
أخبار محكمة الأسرة.. عايز يدفعلي مصروف الشهر بالتقسيط
كانت نهاية كل المشكلات حل الزوج لكل الخلافات المصروف الشهر الذي ظن أنه بهذه الطريقة يحل الخلاف ولكن في الحقيقة أن الأمور تمادت بينهما ما جعلها تصر على اللجوء إلى محكمة الأسرة، تابعت الزوجة: "بعد خناقات وتدخل أهل وأهله قالوله إن تحدد مصروف شهري ليها هي والعيال وتدفعهولها كل شهر ووافق على الحوار دا، بس لما رجعنا البيت المشاكل كلها رجعت تاني عادي، ولقيته بيقولي أنا هديكي المصروف الشهري بس بالتقسيط، يعني كل أٍبوع هديكي 300 جنيه"، أنهت قائلة: "مفهمتش هو عايز إية وفي مصروف بيدفع بالتقسيط أصلا، سبت البيت ورفعت عليه قضية نفقة عشان والزوق مش نافع معاه خالص".
تابع أحدث الأخبار عبر
