محكمة الأسرة اليوم
محكمة الأسرة.. سمر في دعوى خلع: بيلطش فيا في الرايحه والجاية وكسرلي مناخيري
توجهت سمر إلى محكمة الأسرة بعدما حاولت مرارا وتكرارا التعايش ومسايرة أحوالها ولكن الوضع الذي كان عليه زوجها كان سبب جميع المشكلات التي سكنت عش الزوجية، وكانت نهاية كل هذه الخلافات دعوى خلع في محكمة الأسرة بعد ما كررت طلبها بالانفصال ولكنها رفض.
حكايات محكمة الأسرة.. عرف كل حاجة بعد الجواز
"تعبت معاه وبرضو مفيش فايدة فيه "، كانت هذه الكلمات الأولى في رواية سمر لقاضي محكمة الأسرة مضيفة أنها كل محاولات ضاعت هباء دون أي جدوى لها، تابعت: "كنت متجوزاه وهو كويس ومفيش أي حاجة بس ومكنش بيشرب اي مخدرات ولا يعرف عنها حاجة بس عرفها بقاله فترة ومن ساعتها وهو متغير وبقا واحد تاني معرفهوش".
قصص محكمة الأسرة.. المشاكل بتزيد بسبب شرب المخدرات
حاولت سمر مساعدته من أجل الحفاظ على المنزل والأولاد ولكنه كان يتهرب في كل مرة ما جعل الأمور تتصاعد في السوء، تستكمل حديثها وتقول: "حاولت أصلح كتير وامشي الدنيا، بس هو كان بيزيد في شرب القرف دا وبقى واحد تاني خالص في معاملته وضربه غبي ومتهور ممكن يضرب بأي حاجة في إيده".
روايات محكمة الأسرة.. كسرلي مناخيري
بعد ما فقدت الأمل في إصلاح الأمور بينهما قررت الانفصال بعدما شعرت أن حياتها وحياة أولادها في خطر، تابعت: "عديت كتير عشان خاطر البيت وكان عندي أمل إنه يتغير بس مفيش فايدة وأخر خناقة كان هيموتني فيها، قعد يضربني لحد ما كسرلي مناخيري خفت منه وخفت على العيال إنه ممكن يتهور ويعمل فيهم حاجة"، أخذت أولادها وقررت الهروب من هذه الحياة كي تحمي أولادها، وأنهت رواياتها قائلة: "سبت البيت وطلبت منه الطلاق بالزوق وأخر ما زهقت رفعت عليه قضية خلع بقالي 5 شهور عشان مش لاقية حاجة تاني قدامي"، ولا تزال الدعوى منظورة في المحكمة حتى الآن.
تابع أحدث الأخبار عبر
