أخبار محكمة الأسرة
قصص محكمة الأسرة.. كوثر: بخيل وشفت على إيده السلف والخدمة في البيوت
كانت محكمة الأسرة هي النهاية التي وصلت لها «كوثر» بعد 25 عامًا مع زوج لم يصرف عليها أو يكفي طلباتها لسنين عديدة، وبعد تحملها له طوال هذه السنين وعملها مكانه لتكفي احتياجات بيتها وأولادها، توجهت في النهاية لمحكمة الأسرة كحلٍ أخير لم ترد أن تصل له ولكن اضطرت لتبحث عن حقوقها التي منعها عنها زوجها طوال هذه السنين الطويلة.
قصص محكمة الأسرة.. جواز معارف كان زي أي راجل
قالت «كوثر» في بداية حديثها: « أنا اتجوزت من 25 سنة ومعايا 4 أولاد كبار، الحياة زمان كانت عادية ومفيش مشاكل، كان جواز تقليدي ومكناش قرايب بس كنا معارف اتقدملي ووافقت عليه لأنه كان راجل زي أي راجل».
حكايات محكمة الأسرة.. خدمت في البيوت عشان هو مبيصرفش
تابعت «كوثر» حديثها قائلة: «مشاكلي معاه من زمان طول عمره بخيل ومبيصرفش عيشت وتحملته سنين، استحملت الجوع وإني أكون محتاجة انا وولادي عشان مسيبهوش وأخرب البيت نزلت اشتغل في البيوت امسح وانضف عشان اعرف اكفي مصاريفي انا وولادي بس اللي كنت بجيبه كان على القد يدوبك ياكلنا وهو عامل ملوش دعوة بحاجة ومكبر دماغه طول السنين دي».
دعاوي محكمة الأسرة.. مش عايزني أجيب أكل ليا وعيالي
أضافت الزوجة: «جوزت بنتي الكبيرة بالجمعيات والسلف وهو دفع 20 ألف جنيه وقالي ده اللي عندي مكفوش حاجة طبعًا أنا اللي اتصرفت وكملت، لحد ما كبرت وتعبت ومبقتش أقدر أنزل واشتغل في البيوت ولما قعدت في البيت مبقيناش لاقيين ناكل خالص وهو لما اطلب منه فلوس يقولي عايزة الفلوس عشان تجيبي بيها أكل ليكي ولعيالك وخسارة الفلوس دي».
قضايا محكمة الأسرة.. مش عايزة ارفع قضية وانا في السن ده
أنهت «كوثر» حديثها قائلة: « لحد ما تعبت منه ومن عمايله ورفعت عليه قضية نفقة وأنا قاعدة معاه لسه في نفس البيت ومتطلقناش، أنا مش عايزه أخرب بيتي ولا حابه إني ارفع قضية وأنا في السن ده، بس الحياة اللي أنا عايشاها دي مترضيش ربنا وأنا مبقتش قادرة خلاص على البهدلة وهو مش راضي يعقل ».
تابع أحدث الأخبار عبر
