أخبار محكمة الأسرة
محكمة الأسرة وحكاياتها.. سمر: بيكلم سلفتي نص الليل عشان يحب فيها
هُدمت أحلام سمر على أعتاب محكمة الأسرة بعدما علمت بخيانة زوجها في السنة الثانية من الزواج، وكان هذا السبب الذي جعلها تبحث وراء تغيره لتجد الصدمة الكبرى، توجهت إلى محكمة الأسرة على الفور لتقييم دعوى طلاق ضده بعد سنتين فقط من الزواج.
حكايات محكمة الأسرة .. اتحول في السنة التانية من الجواز
تستهل رواياتها لقاضي محكمة الأسرة مؤكدة أنها تزوجت عن قصة حب كبيرة تمنت أن تكبر بعد الزواج ولكن كل هذه كانت مجرد أحلام فقط، تابعت: "متجوزين عن قصة حب وأول سنتين من الجواز الدنيا كانت كويسة جدًا ومفيش أي مشاكل خالص، بس كل المشاكل بدأت بيتا في السنة التانية في الجواز فجأة".
قصص محكمة الأسرة .. شكيت فيه وحسيت إنه يعرف ست
تستكمل رواياتها: “لقيته متغير معايا وأنا مش فاهمة ليه وكنت بحاول افهم ماله بس كل ما اسأله يقولي مفيش حاجة، مكنتش عايزة أنكد وكنت بسيبه براحته بس للموضوع كبر أوي ومبقاش طايقلي كلمة ومبقتش عارفة اتصرف معاه ازاي”.
تابعت: "حسيت إنه يعرف واحدة عليا بس كنت بقول لا أكيد مش هيعمل كدا فيا بس لما لقيته لسه مكمل في معاملته اللي مش لقيالها أي سبب دي اتأكدت إن في حد في حياته غيري".
روايات محكمة الأسرة .. سمر: جوزي بيحب في سلفتي
قررت أن تحاول اكتشاف السبب وراء تغير زوجها معها لتجد ما لم تتوقعه أبدًا، تابعت: "قلبت في الموبايل لقيته اللي مكنتش أتوقعه أبدا. لقيته بيكلم سلفتي والكلام بينهم واصل لمرحلة مش كويسة خالص وعمالين يحبوا في بعض، كلمته وقالي خلاص مش هكلمها تاني، وعديتها ومرضتش أقول لجوزها وأكبر الموضوع"، أعطت فرصة لتصليح ما فعله ولكنه تمادى ما جعلها تصر على الانفصال عن طريق رفع دعوى طلاق.
وأنهت رواياتها قائلة: "مكملش شهر ورجع كلمها تاني يكلمها في نص الليل ويحب فيها، مقدرتش استحمل القرف اللي بيعمله دا وسبت البيت ورفعت قضية طلاق".
تابع أحدث الأخبار عبر
