أخبار محكمة الأسرة اليوم
حكايات محكمة الأسرة .. هدى: ضربني بماسورة الغاز الحديد فحبسته خمس سنين
كانت محكمة الأسرة هي طوق النجاة الذي تعلقت به «هدى» وتمسكت به حتى تحاول أن تتخلص من حياتها مع زوجها الذي عاشت معه سنين من الألم والحسرة والعذاب بسبب عدم رحمته عليها أو رفقه بها، وبعد سنين من التعذيب والإهانة قررت «هدى» أن تتوجه لمحكمة الأسرة لتنهي حياتها مع زوجها عندما أدركت أنها إذا أكملت حياتها معه ستحكم على نفسها بالإعدام.
قصص محكمة الأسرة.. مش فاكرة اتجوزته من امتى بسبب اللي عمله فيا
قالت «هدى» في بداية حديثها: «مش فاكرة أنا اتجوزت من امتى لأن جوزي كان بيضربني لحد ما جابلي ضرر في فص في المخ وجابلي زهايمر بنسبة قليلة بس مبقتش أقدر أفتكر زي زمان، اتجوزت تقريبا من 2015 عندي منه ولدين كان جواز تقليدي زي أي اتنين مكنتش أعرف إن ده اللي هيحصل في الأخر».
حكايات محكمة الأسرة.. أناني أهم حاجة عنده نفسه
تابعت «هدى» حديثها قائلة: «مشاكلي مع جوزي من زمان وهو بيضربني ويبهدلني كان على طول أهم حاجة عنده نفسه واحنا ملناش لازمة وفي داهية ناكل أو نموت من الجوع؛ ميفرقش معاه مكنش بيصرف علينا خالص ولو صرف يبقى على القد».
دعاوي محكمة الأسرة.. مريض نفسي وبني ادم مش طبيعي
أكملت الزوجة حديثها عن العذاب الذي عاشت فيه مع زوجها: «الضرب على طول من ساعة ما اتجوزته وكان بسبب ومن غير سبب، مكنش في إيدي حاجة اعملها كنت هعمل ايه معرفتش اسيبه لأنه بيحبسني ويعذبني كل لما أجي أهرب منه، كان بيضربني بنجزير الكلب ويكسرلي عضمي وكسرلي كل سناني، بني أدم مش طبيعي وتصرفاته غريبة ».
قضايا محكمة الأسرة.. حبسته لما كان هيموتني
أنهت «هدى» حديثها: «اخر مرة كانت السبب انه اتحبس فيها ضربني بماسورة الغاز الحديد على جسمي كله اتجبست في المستشفى سنة خلاني منفعش بني أدمه تاني، حاولت كتير بالعلاج الطبيعي أني ارجع زي الأول بس صعب أكيد، رفعت الخلع بعد اللي عمله فيا واتحبس 5 سنين بسبب الضرب اللي بيضربهولي أنا اللي بلغت عنه لما خلاص كان هيقضي عليا بعد ما صبرت عليه كل السنين دي ».
تابع أحدث الأخبار عبر
