أخبار محكمة الأسرة
محكمة الأسرة ومآسيها.. هبة: ابني واخد صف أعمامه ورافع قضية زنا عشان الفلوس
بذهن شارد وقفت «هبة» على أعتاب محكمة الأسرة تندب حظها في ابنها وخيبة أملها فيه؛ بعدما اتخذ صف أهل والده المرحوم للاستيلاء على كل حقوقها، حاول قتلها أكثر من مرة حتى تتنازل عن حقها في الشقة ومحل الملابس وعندما لم يجد أي نتيجة لجأ لقضية زنا ضدها.
حكايات محكمة الأسرة .. كنت عايشة هانم
أول ما بدأت به حديثها قاضي محكمة الأسرة هو حياتها الوردية التي عاشتها مع زوج يرعى الله فيها وفي أولادها، مؤكدة على هذا بقولها: "مكنش مخلينا عايزين حاجة وكان معيشني ملكة كل اللي أنا عايزاه بيجيبهولي علطول، عشت معاه 23 سنة وعمري ما اشتكيت منه لإنه كان معيشني هانم"، أكملت الحديث مؤكدة على أنها وجدت حالها في وكر من المشكلات بعد وفاة زوجها.
قصص محكمة الأسرة .. أهل جوزي وقفوا النشاط التجاري بتاع المحل
فوجئت هبة منذ أيام قليلة إن أهل المرحوم أوقفوا النشاط التجاري حتى لا تأخذ أي أرباح من محل الملابس الذي من المفترض أنه حقها وحق أولاده من ورث زوجها المرحوم ما جعلها تقصد محكمة الأسرة من أجل رفع دعوى نفقة ضد أشقاء المرحوم، تابعت: "من ساعة ما جوزي مات في شهر 7 اللي فات وأهله مش سايبني في حالي وتفاجئت من كام يوم وأنا في التأمينات بقبض المعاش إنهم موقفين النشاط التجاري عشان ماخدش أي حاجة من المحل اللي هو المفروض حقي وحق عيالي، جيت ارفع عليهم قضية نفقة ومش هسيبه وهاخد حقي وحق بنتي".
عجائب محكمة الأسرة .. ابني عايز يقتلني عشان ياخد الشقة
تلقت صدمة كبيرة جعلتها تفقد عقلها عندما علمت بالقضية الذي أقامها ضدها ابنها الوحيد حتى يسقط حقها في الشقة والمحل، استكملت هبة رواياتها والدموع تملأ عينيها بعدما خاب ظنها في ابنها البكري الذي اعتقدت أنه سيكون سندها بعد وفاة زوجها ولكن الواقع جاء بصدمة كبيرة لها، تسترجع ما فعله ابنها قائلة: "ابني في صف عمامة وعايز ياخد مني الشقة والمحل بقى يضربني ويحبسني في الأوضة من غير أكل أنا وبنتي الصغيرة دا غير إنه حاول يقتلني قبل كدا كذا مرة، مع إني مكنتش مخلياه عايز يعمل أي حاجة وكنت بخدمه وقاعدة تحت رجله".
أغرب قضايا محكمة الأسرة .. رفع عليا قضية زنا عشان الفلوس
هربت من المنزل بأعجوبة لتتفاجأ بعد ذلك برفع قضية زنا ضدها من قبل ابنها الوحيد، استكملت هبة وعلامات الصدمة تعتريها: “لما لقاني مش هتنازل عن الشقة والمحل رفع عليا قضية زنا عشان حقي يضيع في المحل والشقة، مكنتش مصدقة لما عرفت إنه عمل كدا وكان نفسي دا ميبقاش حقيقي بس للأسف طلع عمل كدا فعلا”.
تابعت: "مش عارف يثبت في القضية إني ماشية بطال زي ما هو بيقول وعشان يثبت دا بقا بيبعت ناس تكلمني من أرقام غريبة ويبعتولي صور وحاجات غريبة عشان ياخد الموضوع دا ضدي بس أنا بعملهم بلوكات لي أرقام غريبة"، أنهت قصتها المؤلمة وقالت: "أنا معنديش ابن، ابني مات معنديش غير مريم بنتي اللي عندها 7 سنين، هي عندي بالدنيا غير كدا معنديش عيال تاني وبعتبره مات"
تابع أحدث الأخبار عبر
