أخبار محكمة الأسرة
محكمة الأسرة.. تسنيم: الكذب بيمشي في دمة وقاعد بالبيت زي الحريم
كانت «تسنيم» في محكمة الأسرة تحاول أن تستعيد حياتها من جديد بعد تجربة الزواج المؤلمة التي عاشتها مع زوجها الذي كذب عليها من قبل زواجهم واستغل ثقتها فيه واعطاها معلومات كاذبة عنه حتى توافق على الزواج منه، لتتفاجئي «تسنيم» بعد الزواج أن الرجل الذي تزوجته غير الذي وعدها أن يكون سند وعون لها في الدنيا ، ولكن كل ما بنته معه من البداية كان على الكذب وعندما رزق الله «تسنيم» بنعمة الأطفال تركت زوجها من أجل حماية ابنها ، وتوجهت لمحكمة الأسرة حتى تبحث عن حقوقها وحقوق ابنها وحريتها.
قصص محكمة الأسرة.. عيشت مع جوزي سنة بس
قالت «تسنيم» في بداية حديثها: «أنا اتجوزت من 3 سنين وسايبه جوزي من سنة وتلت شهور معايا منه ولد واحد بس، اتعرفنا على بعض وحبيته واتجوزنا على طول كان يبان أنه شخص مناسب وكويس ومفيش منه مشاكل لكن كل ده كان كدب ومش حقيقي، ومبانش كل ده غير بعد الجواز».
حكايات محكمة الأسرة.. مش عايز يشيل مسؤولية
تابعت «تسنيم» حديثها: «من أول الجواز وهو مش بيشتغل خالص أو مش عايز يشتغل ولا يشيل مسؤولية، فضلت اتحايل عليه انه يتغير ويبقى أحسن ويدور على شغل ويشتغل زي باقي الناس، لكن مفيش فايدة معاه كل مادى بيبقى أسوء من الأول».
دعاوي محكمة الأسرة.. طلع كداب في كل حاجة بيقولها
أكملت «تسنيم» حديثها وقالت: «قبل الجواز قالي انه معاه شقة تمليك ولما اتجوزنا اكتشفت انها ايجار نقلنا من شقة لشقة لانه مش عارف حتى يدفع الايجار، قالي بيشتغل وعنده شغلانة ثابتة بعد الجواز اكتشفت انه كداب وعواطلي، كان بيشرب مخدرات عرفت من إن عينيه بتبقى حمرة جدا بيشرب من زمان وانا برضوا معرفش، قالي أنه صغير في السن، وطلع اكبر مني بكتير، قالي أنه متخرج من الجامعة وطلع كذاب، طلع هربان من الجيش».
قضايا محكمة الأسرة.. سيبته عشان ابني
أنهت «تسنيم» حديثها: «قررت اسيبه وارفع عليه قضية خلع بعد ما عرفت كل ده عنه وهو رفض حتى يطلقني، ولما خلفت قلت الحق ابني من أب زي ده واحميه منه ».
تابع أحدث الأخبار عبر
