أخبار محكمة الأسرة
محكمة الأسرة وحكاياتها.. نوال: ماشي مع جارتي في الحرام
لم تلجأ نوال إلى محكمة الأسرة إلا بعد أن فاض بها الكيل مع زوجها المدمن الذي دمر حياتهما بمجرد معرفته طريق المخدرات ، لم يكتفي بالمخدرات بل اختتمها بخيانة جارتهما الذي جعلتها تتوجه إلى محكمة الأسرة على الفور ورفع دعوى خلع بعد 15 عام.
محكمة الأسرة .. ضيعت سنين عمري على الفاضي
تستهل الزوجة للقاضي وكلها حسرة على السنوات التي اهدرتها بلا أي جدوى وكانت النهاية الحتمية هي محكمة الأسرة وتستكمل: "من ساعة ما اتجوزته وانا متعذبة معاه بسبب المخدرات اللي بيشربها دي وانا مكنتش ست ندلة معاه فضلت جمبه عشان أحاول أغيره واعالجه ، واخليه يركز معايا أنا والعيال بس مفيش فايدة فيه"، تابعت: "أهلي اتدخلوا كتير بينا عشان يحلوا الموضوع ويقنعوه ببطل اللي بيشربه دا ويركز مع عياله بس مفيش فايدة فيه لسه برضوا زي ما هو مش راضي يبطل اللي بيشربه دا".
حكايات محكمة الأسرة .. مدمن وخاين
لم يكتفي الزوج بطريق المخدرات الذي عرفه في السنة الأولى من الزواج، ولكنه قرر أن ينهي علاقاتهما بالخيانة التي اكتشفتها الزوجة ، تتابع نوال رواياتها قائلة : "صابرة ومستحملة كل السنين دي عشان مخربش البيت وأقول يمكن يتغير بس مفيش فايدة فيه أبدًا، بقالي 15 سنة على الحال دا معاه على أساس إن الدنيا تبقى أحسن وهو يشوف البي ت والعيال بس هو في الطراوة خالص"، أضافت: "ساكتة ومستحملة كل القرف عشان يتغير بس بالعكس بيزيد في القرف اللي هو بيعمله، واللي زود الطينة بلة إني عرفت خيانته اللي مقدرتش اعديها أبدًا وهنا كانت الوقفة اللي بجد عشان اخلص من قرفه طول السنين دي".
قصص محكمة الأسرة .. نوال في دعوى خلع
استرجعت نوال تفاصيل اليوم الذي قررت فيه اللجوء إلى محكمة الأسرة لرفع دعوى خلع والهروب من هذه الحياة التي تحملتها لسنوات طويلة على أمل تحسن الأوضاع، تستكمل رواياتها للقاضي: "شفت رسايل ومكالمات من جارتنا على تليفونه، مكنتش فاهمة ليه بيتكلموا أصلا ولما تابعت المكالمات والرسايل اللي بينهم لقيت الموضوع واصل لمرحلة غريبة مش فاهمة وصلوا لهنا إزاي، والغريب بقا إن جارتنا دي متجوزة هي كمان ومخلفة ومستغفلة جوزها"، انهت قائلة: “خلاص جبت أخري بعد 15 سنة ومقدرتش استحمل يوم واحد تاني كمان بعد ما عرفت إنه ماشي مع جارتنا في الحرام”، تركت المنزل وقررت رفع دعوى خلع ضد زوجها في محكمة الأسرة، ولا تزال الدعوى منظورة في المحكمة حتى الآن.
تابع أحدث الأخبار عبر
