أخبار محكمة الأسرة
محكمة الأسرة.. خلود: شكاك زيادة عن اللزوم وكسر عليا عفش بيتنا
تواجدت «خلود» في محكمة الأسرة وهي تبحث عن حقوقها التي فشلت في أن تأخذها من زوجها وكانت تأمل أن تجد الحل على أبواب محكمة الأسرة، كانت «خلود» مثل العديد من البنات في أول حياتها تتمنى أن تتزوج ويصبح لها بيت وأسرة، ولكن اصطدمت بالواقع الذي حول كل أحلامها لكوابيس بسبب زوجها الذي اتسم بالقسوة عليها في كل شيء يملكه سواء أموال أو معاملة حسنة.
قصص محكمة الأسرة.. اتخدعت في جوزي
قالت «خلود» في بداية حديثها: « أنا متجوزة من 6 سنين وخلفت من جوزي بنتين، مكناش قرايب أنا اتعرفت عليه عن طريق المعارف، واتجوزنا والدنيا كانت كويسة ومفيش مشاكل في أول كام شهر لكن بعد كده كل حاجة اتغيرت وبقت عكس مانا كنت متخيلة أنها تكون، حاولت وصبرت كتير لكن من غير فايدة».
حكايات محكمة الأسرة.. بتضرب من أول الجواز
تابعت «خلود» : «السبب اللي سيبت جوزي عشانه إنه بيضربني كتير، من أول الجواز ضرب وإهانة أي حاجة قدامه بيضربني بيها بسبب ومن غير سبب، كان كل مادى الضرب بيزيد وبيبقي أشد في الأول كان بالإيد بعد كده بالحزام وبعد كدة بقى بيكسر اي حاجة في البيت عليا».
دعاوي محكمة الأسرة.. جوزي شكاك زيادة عن اللزوم
أكملت الزوجة حديثها وقالت: «تاني مشكلة كانت معاه بسبب إنه بيشك فيا بزيادة، كان لو ملقاش سبب يضربني علشانه يشك فيا وفي سلوكي ويتهمني في شرفي، وكان بيشرب مخدرات من قبل ما نتجوز وأنا معرفش وعرفت لما زاد في شربها من بعد الجواز».
قضايا محكمة الأسرة..عايزة أخد حقي منه
أنهت «خلود» حديثها: «أنا دلوقتي رافعة القضايا عليه من ساعة ما سيبته من 4 سنين، وسيبته بسبب إنه كسر عليا البيت كله بعد ما اتهمني ظلم في شرفي، من كتر الضرب بقيت حاسة إني خلاص هموت في إيده بقى يحبسني في البيت طول الوقت ولما حاولت أسيب البيت طردني من غير حتى جذمة في رجلي، ومن ساعتها وأنا سيبتله البيت هو قاعد فيه ومبيصرفش ولا بيسأل عليا أنا والبنات ورفعت عليه قضية نفقة عشان أخذ منه حقي».
تابع أحدث الأخبار عبر
