أخبار محكمة الأسرة
محكمة الأسرة وعجائبها.. عماد: خلعتني غيابي وبتعاشرني كزوجة بقالها سنتين
زواج انتهي بعد 10 سنوات على أعتاب محكمة الأسرة من خلال قضية خلع أقامتها «ولاء» ضد زوجها منذ سنتين، والغريب أنها لم تخبره بالخلع وأكملت حياتها معه بشكل طبيعي على أساس لم يتم الطلاق بينهما، وتعتبر هذه من أغرب القضايا التي شهدتها محكمة الأسرة.
قصص محكمة الأسرة
خذلان تعرض له الزوج بعدما ظن أن الأمور بينهما سعيدة لا يوجد أي مشكلات من بداية الزواج ليكتشف مفاجأة كبيرة بعد كل الحب الذي أعطاها إياه لم ينتظر منها أي مقابل سوى أنها تقدر هذا الحب، يستهل عماد قصته لـ "الحادثة" قائلاً: "مكنتش مصدق نفسي إنها تعمل كدا فيا بعد 10 سنين، والدنيا بينا كانت تمام ومفيش بينا أي مشاكل كبيرة تستاهل إنها ترفع قضية عشانها".
حكايات محكمة الأسرة
استكمل عماد روايته مؤكد على حياته الزوجية الذي نعم بها لعشر سنوات بالكامل في هدوء واستقرار ويسترجع حياته طوال العشر سنوات قائلًا: "كنا عايشين زي الفل بقالنا 10 سنين مع عيالنا التلاتة والمفروض إننا كنا بنحب بعض يعني ومتجوزين عن قصة حب، وأنا كنت بعمل اللي بقدر عليه عشان اجبلها كل اللي نفسها فيه هي والعيال، وكنت وفاكر إنها هتقدر كل اللي أنا بعمله عشانهم، بس الحقيقة مقدرتش أي حاجة، ورمت حب ليها في الأرض".
عجائب محكمة الأسرة
تلقى الصدمة الكبرى في زوجته الذي ظن أنها تكون شريكته في حياتهم السعيدة للأبد، ولكن الواقع الذي عاشه عماد جاء له بمفاجأة كبيرة لم تكن على البال ولا الخاطر جعلته يضرب أخماس في أسداس من هول الصدمة، يستكمل عماد باقي روايته ومازالت الصدمة تعتريه ويقول: "فجأة في يوم لقيت الباب بيخبط وجايلي محضر باسمي من المحكمة بإنذار الخلع اللي معمولي بقاله سنتين، وقفت مكنتش عارف أعمل إيه بالظبط، خدت الإنذار وأنا مش لاقي سبب للي هي عمتله دا"
ينهى عماد أخر كلمات قصته ويقول: "المصيبة إنها كانت عايشة من معايا عادي وبنتعامل على أساس إننا متجوزين ومفيش أي حاجة، مكنتش عارف اللي زي دي أعمل معاها إيه الصراحة، ضربتها وطردتها على بيت أبوها هي والعيال مش عايز أشوف حد منهم".
تابع أحدث الأخبار عبر
