أخبار محكمة الأسرة
محكمة الأسرة .. قسمت: مبيعمرش في شغلانة وأهله بيأكلوه وراميني أنا وعياله في الشارع
كانت محكمة الأسرة هي النهاية التي وصلت لها «قسمت» بعد محاولاتها العديدة في إنقاذ زواجها من الغرق بسبب زوجها الذي لم يريد تحمل المسؤولية أبدا ولم يصرف على زوجته وأولاده وترك زوجته تتحمل المسؤولية وحدها، وبعد سنين عملت فيها الزوجة لتحافظ على بيتها وكانت تاخذ اموال من والدها وأهل زوجها، فاض بها الكيل وتوجهت لمحكمة الأسرة لتنهي عذابها مع زوجها الذي كان يهبنها ويضربها ولم يكن سند وحماية لها.
قصص محكمة الأسرة.. اتحملته عشان خاطر العيال والعشرة
قالت «قسمت» في بداية حديثها: «أنا اتجوزت من 11 سنة وخلفت من جوزي عيلين في الأول كان كويس ومفيش منه مشاكل،كنا متجوزين عن طريق المعارف لكن بعد كدة المشاكل بدأت وكانت مع الوقت بتزيد اتحملته كتير عشان خاطر العيال لكن مفيش حل معاه.»
حكايات محكمة الأسرة.. مبيعمرش في شغلانة
أكملت «قسمت» حديثها: «أنا مكنتش بشتغل أول الجواز لكن بعد ما هو مبقاش يصرف اضطريت أنزل اشتغل، ودي كانت مشكلتي معاه إنه مبيكملش في شغلانة، أي شغل يعد فيه 4 شهور اخره لو طول فيه وبعد كدة يسيبه، مبيكملش في شغلانة ومش راضي يتعدل أبدا. مقعدتش معاه غير سنتين كل شوية غضبانة عند أهلي وفي مشاكل.»
دعاوي محكمة الأسرة.. أهلي اللي بيصرفوا علينا
أضافت «قسمت»: «طول السنين دي محدش وقف معايا من أهله بياخدوه يأكلوه وميسألوش فيا أنا أو عيالي، ولما اشتكي منه يقولوا هنعمله ايه مش قادرين عليه، كنت عايشة أهلي اللي بيصرفوا علينا وعليه.»
قضايا محكمة الأسرة.. عايز فلوس من أبويا
أنهت الزوجة حديثها وقالت: «لحد ما بقى تطاول بألفاظ ومد أيد من زمان من بس كنت بعدي من أول الجواز، و أقول معلش عشان العيال متتبهدلش لكن لما لقيت أن مفيش فابدة معاه وان قلته أحسن سيبته على طول وقررت مرجعلوش تاني في اخر مرة مسكني ضربني كان عايز فلوس من والدي بالعافية لأن فلوس أمه اللي ادتهاله خلصت خلصها على نفسه وأكله وشربه، وقتها رفعت عليه قضية خلع ونفقة عشان أخد منه حقوقي.»
تابع أحدث الأخبار عبر
