"خاني مع طوب الأرض".. سحر: بيقول عليا مجنونة وبخرب عشان فضحته
تحملت "سحر" خيانات زوجها لأكثر من 10 سنوات بالكامل وعندما قررت البوح بكل نزواته التي تسترت عليها كثيرًا لم يصدقها أي شخص بسبب ادعاء الزوج بأنها مجنونة تهلوس بأي تخاريف، عندما أدركت استحالة العيش معه قررت التوجه نحو محكمة الاسرة لرفع دعوى طلاق تنهى بها وكر الخيانات التي تعاني منه منذ 10 سنوات.
مستحملة قرفه بقالي 10 سنين
تبدأت سحر رواياتها لقاضي المحكمة وهي تستغيث بالهروب من حياتها مع زوجها الخائن وأول ما قالته في رواياتها هو "عشت معاه يدوب أول سنتين من غير ما أي خيانة وكانت حياتنا كويسة وماشية زي الفل بس بعد السنتين دول بقا بدأت اكتشف خياناته اللي مبتخلصش"، تابعت: "عديت مرة واتنين وعشرة كمان على أمل إنه يسيبه بقا من القرف اللي هو فيه دا ويركز مع عياله الصغيرين اللي ميعرفش عنهم أي حاجة دول، بس هو مفيش فايدة بالعكس بيزيد وبقالي 10 سنين على الحال دا لحد ما زهقت".
بيقول عليا مجنونة عشان فضحته
تسترت عليه مرات كثيرة حتى لا تفتعل المشكلات ولكنه تمادى في خياناته التي أصبحت لا تعد ولا تحصى ولكنها بعد 10 سنوات قررت البوح لأهله عن خياناته حتى يساعدونها ولكن الفكرة الذي رسمها الزوج عنها لأهله جعلتهم لا يصدقونها في أي شيء تقوله لهم، تستكمل سحر باقي رواياتها وتقول: "كنت بسكت ومبرضاش أقول لأهله ولا لأهلي عشان مكبرش الموضوع وكان عندي أمل إنه يتعدل بس كنت غلطانة عشان لما لقاني سكته ومبيتكلمش استحلاها وزاد فيها لحد ما جبت أخري بقا"، أضافت: "أخر ما فاض بيا قلت أقول لأهله على اللي بيعمله دا يمكن يقفوا جمبي وينصحوه، ولما لقاني فضحت الدنيا وعرفتهم عمايله اللي مش تمام بقا يقول عليا إني مجنونة وبخرب عشان فضحته وكشفته على حقيقته، ومبقوش مصدقني طبعا وبيقول الي عليا إن يبقول أي تخاريف وخلاص".
بعد تفكير طويل توصلت للحل المثالي الذي ينقذها ألا وهو دعوى طلاق أقامتها في محكمة الاسرة بعدما أهدرت سنوات كثيرة في التستر على زجها الخائن دون أي جدوى لذا قررت أن تنهي حياتها الزوجية معه وإقامة دعوى طلاق.
تابع أحدث الأخبار عبر
