«حماتي ملاك».. زوج في محكمة الأسرة: هي سر تعاستنا وسبب خراب البيت
قضايا عديدة في محكمة الأسرة كانت نهايتها خراب بيت وأسرة ويكون دائمًا المتضرر الوحيد هم الأبناء الذين يدفعون ثمن خلافات الكبار التي لا ذنب لهم فيها.
زوج في محكمة الأسرة: هي سر تعاستنا وسبب خراب البيت
روت سعاد مجدي إبراهيم المحامية بالاستئناف العالي ومجلس الدولة لموقع "الحادثة" قصة زواج لم تنتهي بسبب الزوج أو الزوجة وخلافاتهم ولكن أم الزوجة كانت السبب فهي لم تنصح أبنتها أن ترعى زوجها وتحافظ على بيتها لكن كانت تنصحها في الاتجاه الآخر وهو خراب بيتها.
وعلى عكس العديد من القضايا في محكمة الأسرة التي ترفعها الزوجات على أزوجها بسبب حماتها كانت هذه القضية رفعها الرجل على زوجته بسبب والدتها، ويتسأل كيف كانت ستصبح حياته إذا لم يتدخل فيها الأخرين ليخربوها؟
اقرأ أيضا
الزوج رافض الانفصال
قالت سعاد المحامية: «الزوج كان مهندس محترم واتجوز هو ومراته وربنا رزقهم بولد واحد بس حياتهم كانت طبيعية وفيها مشاكل زي أي زوجين، لكن بعد فترة حصلت بينهم خلافات كتيرة، والزوجة حبت تنفصل عنه وسابت البيت، الزوج مكنش موافق على الإنفصال عشان ميخربش بيته وعشان ابنه ميتبهدلش لكن الزوجة مهتمتش بالكلام ده».
أمها سبب المشاكل
تابعت المحامية: «الزوجة في الأصل أمها وأبوها منفصلين عن بعض وهي عايشة مع مامتها اللي كانت من الأساس سبب المشاكل كلها، لأنها مش بتوجه لبنت اتجاه صحيح انها متخربش بيتها لكن كانت بتوجها انها تسيب جوزها وتاخد الشقة وتاخد ابنها من جوزها وتاخد منه أي فلوس تقدر عليها وكانت سبب خراب بيت بنتها.
قضايا رفعتها الزوجة
أكملت المحامية: بعد لما الزوجة سابت البيت رفعت على زوجها قضايا كتيرة جدا، رفعت قضية تمكين عشان تاخد الشقة من جوزها، رفعت قضية نفقة زوجية ونفقة صغير وقضية زيادة نفقة واتحكملها بكل القضايا حتى الزيادة، ولما الأب طلب الرؤية كانت بتنفذ الرؤية عن طريق والدتها اللي كانت بتفتعل المشاكل في النادي اللي كانت بتم فيه الرؤية، ورفعوا دعوة تغيير مكان الرؤية بسبب المشاكل الكتير، اتحكم بمكان تاني وافتعلت فيه الجدة مشاكل برضو.
قضايا رفعها الزوج
أنهت المحامية كلامها: الاب حاول كتير يحل ودي ولما عمل إنذار بالطاعة اعترضت الزوجة على انذار الطاعة رفعت طلاق للشقاق واتحكم لها بالطلاق في أول جلسة وخدت نص حقوقها ولسه في الاستئناف، ومع كل القضايا اللي اترفعت عليه دي فقد الأمل في الصلح، وبسبب التأخيرات والتغيبات اللي حصلت أثناء حدوث الرؤية، رفع الزوج دعوى تعويض اتحكم له أول درجة بـ 100 ألف جنيه ولسه مستأنفة.
تابع أحدث الأخبار عبر
