"قعدتهم من المدرسة".. سحر بدعوى نفقة: مش راضي يصرف جنيه على تعليم العيال
قصدت سحر محكمة الأسرة لرفع دعوى نفقة بعدما تأكدت أن هذا الطريق هو الوحيد الذي يساعدها لكي تأخذ حقها من طليقها الذي لا يريد الإنفاق على تعليم أولادها جنيهًا واحدًا، ما جعل المشكلات تتصاعد بعدما اعتقدت أن كل الخلافات تنتهي مع إنتهاء حياتهما الزوجية.
بدأت في رحلة مشكلات جديدة مع طليقها حتى تصاعدت الامور للمحاكم، أرادت حل الخلافات بينهما بطريقة ودية ولكن ملاوعة طليقها معها كانت السبب في تصاعد المشكلات بينهما، استهلت رواياتها لـ "الحادثة" قائلة: "لما كنا متجوزين كان مطلع عيني في موضوع المصاريف دا وكانت كل المشاكل اللي بتحصل بينا بسبب المصاريف وأخر ما اتخنقت اتطلقت منه عشان اخلص من القرف اللي أنا عايشة فيه دا".
قعدت العيال من المدرسة
تابعت: "كنت فاكرة إن خلاص مش هيبقى في مشاكل بينا تاني كدا طالما اتطلقنا، بس لقيت االمشاكل بتكبر بينا بسبب برضو نفس السبب اللي اتطلقت عشانه، قلت هو من نفسه هيبعت مصاريف العيال"، تضيف سحر إلى حديثها: "لقيته عامل نفسه عبيط ومبيبعتش اي مصاريف للعيال، كلمته كتير وكل مرة يخترع لي حوار جديد أصل في مشاكل في الشغل، وشوية مش معايا، ,انا عندي 3 عيال في المدرسة ومش عارفة اكفي مصاريفهم".
وجدت سحر أن الحل الوحيد هو تكاسل الأولاد عن المدرسة حتى تعرف ماذا تفعل في مشكلة المصروفات لم تجد لها حل، أضافت الزوجة قائلة: "مفيش قدامي حل غير إني اقعد العيال من المدرسة، مكنش هاين عليا إني أعمل معاهم كدا واقعدهم من التعليم بس أنا مش معايا أصرف عليهم وأبوهم عامل نفسه من بنها ومش فارق معاه العيال تتعلم ولا متعلمش حتى".
رفع دعوى نفقة
وصلت للحل الأخير وهو رفع دعوى نفقة ضد طليقها بعد ما فشلت كل محاولاتها الودية في حل الأمور بينهما، تنهي سحر رواياتها قائلة: "كلمته مرة واتنين وتلاتة بس برضو مش نافع معاه حاجة، ملقتش غير إني ارفع قضية نفقة يمكن يتعدل ويصرف على عياله اللي ميعرفش عنهم حاجة، ورفعت القضية بقالي شهرين"، لا تزال القضية منظورة في المحكمة حتى الآن.
تابع أحدث الأخبار عبر
