«ساكتة وصابرة على قرفه».. سمر بدعوى نفقة: مش عايزة الناس تقول عليا مُطلقة
"مُطلقة" هذا اللقب الذي يقلق زوجات كثيرة ما يجعلهن يستمروا في حياة لا يرغبون بها وتحمل إهانة وقسوة تكون هي في غنى عنها، ولكهنا تتحمل كل هذا حتى لا تحمل هذا اللقب الذي ينظر له المجتمع على أنه عارًا كبير على السيدة التي تطلب الطلاق من أجل رغبتها في العايش حياة سعيدة مستقرة بلا مشكلات.
عايشة معه في مرار من ساعة ما اتجوزته
فعلت سمر كل شيء في حياتها الزوجية حتى لا تلجأ لحل الطلاق رغم أنها تعيش أسوأ أيام حياتا مع زوج لا يقدرها ولا يتعامل إلا بالإهانة والضرب الذي عانت منه الزوجة لسنوات طويلة على أمل إصلاحه ولك لا يوجد أي جدوى، علاوة على رفضه الإنفاق عليها هي والأولاد.
تبدأ لنا رواياتها لتعرفنا على تفاصيل قصتها التي جعلتها تلجأ لـ محكمة الاسرة مضيفة: "عايشة معاه في مرار وقرف من ساعة ما اتجوزته بسبب أسلوبه ومعاملته معايا اللي كلها همجية، تعبت بصراحة وكل ما أجي أفكر في الطلاق الكل يقولي أوعى تعملي كدا كأني هعمل جريمة، بنتخانق ليل ونهار".
مش عايزة الناس تقول عليا مُطلقة
مرات كثيرة فكرت فيها سمر في الطلاق ولكن كلام الناس عن المطلقة جعلها تنزع الفكرة من بالها خوفًا من المجتمع فقررت أن تلجأ لرفع دعوى نفقة فقط دون دعوى طلاق، تستكمل سمر فقالت: “مطلع عيني بقاله 20 سنة حتى مصاريف البيت باخدها منه بطلوع الروح وأوقات كتير مبيرضاش يديني كمان أي فلوس أجيب بيها أكل للعيال حتى، وكل دا الناس تقولي استحملي”.
تابعت: “مفيهوش ميزة واحدة، ضرب وإهانة وكمان مبيصرفش، والصراحة الناس خوفتني من الطلاق وإنهم بيبصوا للمطلقة إنها عار أصلا عشان كدا مستحملة وساكته ومش هطلب الطلاق”.
تختم الزوجة حديثها: "شيلت فكرة الطلاق من دماغي وجيت بس المحكمة أرفع عليه قضية نفقة عشان على الأقل أخد منه أي حاجة للعيال عشان أعرف أصرف عليهم، كفاية إني مستحملة قرفه بقالي 15 سنة ومش هطلب الطلاق حتى عشان ميتقالش عليا مطلقة ورفعت القضية دلوقتي بقالي 6 شهور".
تابع أحدث الأخبار عبر
