«عايز ياخد البت عِند في أمها».. جدة بدعوى ضم حضانة: راميها ودلوقتي بيهددنا
تزوجت «مريم» ولكن لم ينجح الزواج وقررت الانفصال والذهاب للعيش مع والداتها هي وابنتها الوحيدة، بعد فترة قررت الزواج للمرة الثانية وترك ابنتها الصغيرة مع والداتها "سامية" ولكن طليقها أصر على أخذ ابنته بعدما علم بزواج طليقته ليس من اجل الاعتناء بها ولكن من أجل العند فقط، ما جعل الجدة تطرق أبواب المحكمة لتقييم دعوى ضم حضانة حتى تضمن إن حفيدتها تبقى معها.
عايز ياخد البت عِند في أمها
"رامي البت ميعرفش عنها حاجة من ساعة ما طلق بنتي ودلوقتي عايز ياخدها مني بالعافية لما عرف إن بنتي اتجوزت".. هكذا بدأت الجدة حديثها مؤكدة على أن طليق ابنتها لا يعرف عنها أي شيء منذ إتمام الطلاق ولكن عندما علم بزواجها انقلب كل شي وقرر أن يأخذ بنته عنوة من الجدة.
وتستكمل حديثها قائلة: "بنتي كانت متجوزة في الأول وخلفت منه بنت بس بس هو كان مش كويس عشان كدا اتطلقت وفضلت قاعدة هي وبنتها معايا بسومن ساعة ما اتطلقت وطلسقها دام فكرش يبعت أي فلوس لبنته ولا حتى يسأل عليها.
أضافت الجدة: "بعد كدا هي اتجوزت وسابت البت معايا فأبوها بقى مش عاجبه الكلام دا وعايز ياخد البت بالعافية مني وكل شوية يجي يهددني في البيت وإنه هيخطفها ومش هيورهالي تاني"
دعوى ضم حضانة
ظلت المشكلات قائمة بسبب الأب الذي يريد أخذ الابنة رغمًا عن الجدة عندًا مع والداتها، تابعت الجدة: "هو مكنش سائل فيها ولا يعرف أي حاجة عنها بس لما عرف إن بنتي اتجوزت اتجنن بقى وعايز ياخد البنت بالعافية عند فيها مش أكتر"، حاولت الجدة مع طليق ابنتها أنه يترك عندها حفيدتها ما جعلت الأمور تتصاعد بينهما، لكي تعرف كيف تأخذ حقها لجأت لمحكمة الأسرة من أجل رفع دعوى ضم حضانة.
تستكمل الجدة سامية: "كلمته بالزوق مرة واتنين وتلاتة يخلي البنت معايا بس هو مش راضي ومصمم ياخدها برضو، ولما لقاني أنا كمان مصممة أخلي البنت معايا هددني تاني، لما لقيت مفيش فايدة فيه قلت لازم ارفع قضية عشان أعرف أخد البت وتفضل معايا وميفضلش يهددني كدا كل شوية".
تابع أحدث الأخبار عبر
