«أهله مش طايقني».. أميرة بدعوى طلاق : «أبوه ردحلي وسبني بأفظع الشتائم في الشارع»
سنة واحدة فقط عاشت فيها "أميرة" أحلى الأوقات في عش الزوجية مع حب حياتها الذي اختاره قلبها، ولكن شيء تحول بعد ما قرر أهل الزوج التدخل في كل أمورهما الشخصية، تغاضت مرات كثيرة حتى تحافظ على البيت ولكن والد الزوج كان السبب في أخذ قرارها الحتمي برفع دعوى طلاق بعد ما سبها بأفظع الشتائم في الشارع.
"لقيت معاملة غريبة من ساعة ما جيت" هذا ما قالته أميرة وهي في بداية قصتها لقاضي المحكمة وتكمل قائلة: "أمه كانت غير كدا خالص قبل الجواز، كانت بتعاملني أحسن معاملة والدنيا بينا كانت كويسة جدًا بس معرفش إيه اللي حصل"، أكدت الزوجة على حياتها الجميلة التي عاشتها طوال فترة الخطوبة مع حب حياتها.
حياتنا كانت كويسة من قبل ما أهل يتدخلوا بينا
استرجعت أميرة بداية تعارفها بحب حياتها وقالت: "نعرف بعض من واحنا صغيرين عشان هو قريبنا من بعيد، ولما كبرنا حبينا بعض وبعد الكلية جه أتقدم لي واتخطبنا وكانت أحلى فترة عيشتها معاه، كانت حنين وطيب ومبيزعلنيش أبدًا"، أَضافت الزوجة: "اتجوزنا وحياتنا في أول الجواز كانت ماشية تمام لحد أول سنة كدا، بس معرفش إيه اللي حصل بعد كدا بقينا على طول بنتخانق وكل دا بسبب أمه وأبوه اللي مش طايقني مش عارفة ليه".
أمه وأبوه حطني في دماغهم
تدخل مستمر من قبل أهل الزوج كان السبب في المشادات والمشكلات الدائمة بينهما فكانت الزوجة تتغاضى عن تصرفاتهم حتى لا تفتعل مشكلات ولكن تدخل الأهل يزداد يوم بعد يوم ما جعل المشكلات تتصاعد وبدأت تفكر الزوجة في الانفصال الحتمي ولكنها كانت تتراجع ولكن أخر موقف فقدها القدرة على التحمل ليوم أخر معه في عش الزوجية، تابعت: "بيتدخلوا في كل حاجة بينا وفكرا في الطلاق كتير بس كنت برجع وأقول بلاش عشان مخربش البيت، وكل مرة بسيب فيها البيت أمي بتقول لي ارجعي ومينفعش كدا".
أبوه ردحلي في الشارع
تستكمل الزوجة: "كنت برجع عشان مكبرش المواضيع بس أخر مرة لما أبوه شتمني شتايم قذرة وردحلي في الشارع من غير سبب ، ومن غير ما أعمل أي حاجة وأنا مقدرتش أكمل بصراحة، وسيبت البيت في ساعتها وطلبت من الطلاق بس هو موافقش وقال لي مش هطلق وأنا مقدرتش أكمل عشان كدا رفعت عليه قضية طلاق"، وكانت هذه نهاية قصة حب أميرة مع زوجها الذي تمنت أن تكمل حياتها معه ولكن أهله خربو عليها مخططاتها.
تابع أحدث الأخبار عبر
