«المخدرات ضيعته».. حسناء بدعوى طلاق: طلع بتاع حريم وعينه من أختي
أرادت حسناء أن تعيش حياة سعيدة مع حب حياتها ، ولكن للقدر كان رأي أخر، فلم ترى من السعادة إلا شهور قليلة في بداية الزواج، لم تعرف أي شيء عن السعادة بعد هذه الشهور بسبب سكة الإدمان الذي جعلته يتصرف بطريقة غير أخلاقية مع شقيقتها وكان هذا السبب الذي جعلها تسرع في خطوة الانفصال وتقيم دعوى طلاق.
"مش عارفة أعيش معاه" كانت هذه الكلمات الأولى في رواية حسناء أثناء حديثها مع قاضي المحكمة، لتستكمل قائلة: "احنا جيران من زمان وبنحب بعض، وكنت مستنية اليوم اللي ربنا يجمعنا في بيت واحد، لما هو خلص كلية جه أتقدم لي واتخطبنا 6 شهور وكان كويس جدًا معايا ومفيش أي حاجة وكنا متفاهمين عادي والأمور بينا تمام"، تابعت: "اتجوزنا وهو يدوب أول كام شهر اللي كانت الدنيا ماشية تمام وبعدين لقيت حد تاني خالص معرفهموش، بيتخانق معايا كتير على أي حاجة وأسلوبه وطريقته بقت غريبة".
طلع بيشرب مخدرات
أحاط الشك بالزوجة بأنه يوجد شيء غامض عليها أن تعرفه، وعندما بحث في الأمر وجدت أنه عرف طريق المخدرات، تضيف حسناء: "حسيت إن في حاجة غريبة عشان هو مكنش كدا معايا قبل الجواز خالص، لما لقيت الموضوع بيزيد ومعاملته مش فهماها طولت اتأكدت وطلع فعلا بيشرب مخدرات، معرفش مين اللي عرفه سكه القرف دا، مكنش يعرف أي حاجة من الحاجات دي".
حاطت عينه على اختي
تمادى الزوج غي تصرفات وأسلوبه الغير مفهوم ولكنها كانت تحاول أن تحتوي الوضع حتى تحافظ على حياتها ولكن الذي لم تقدر على تخطيه هو معاملته لشقيقتها الذي اشكت منه كثيرًا لها، تكمل رواياتها وتقول: "البيت كله بقا عبارة عن مشاكل بس بسبب معاملته وأسلوبه الغريب دا، عديتله كتير على أمل إنه يتعدل بس مفيش فايدة وبرضو زي ما هو، واللي خلاني مش قادرة اكمل معاه وقرفانه منه لما عرفت و إنه حاطت عينه على أختي"، تتابع الحديث: "كذا مرة اختي تيجي تشتكيلي منه وإنه بيتعامل معاها بطريقة غربية كلمته مرة وقال لي أنا مبعملهاش أي حاجة، عديت مرة بس لقيت اختي برضو جاية بتشتكي منه تاني، قلت مبديهاش بقا وطلبت منه الطلاق"، رفض الزوج تطليقها ما دفعها تتوجه نحو محكمة الأسرة لـ رفع دعوى طلاق وتنقذ نفسها واختها من المدمن.
تابع أحدث الأخبار عبر
