عايزني أحشش معاه عشان أعجبه.. ولاء: كل ما نتخانق يقول لي خدي نفس
عاشت “ولاء” حياة مستقرة مع زوجها الصالح لأكثر من 15 عام، ولكن فجأة كل شئ تغير وتحول معه الزوج الذي يكاد يكون مثالي لفتيات كثيرة، عرف الطريق الذي يدمر وينهي علاقات زوجية كثيرة ناجحة ألا وهو طريق المخدرات الذي كان السبب في خراب منزل الزوجية بعد ما كان يتميز بالاستقرار لأكثر من 15 عامًا.
بدأت المشكلات تعرف طريق منزلهم من بداية اتجاه الزوج للإدمان، حاولت الزوجة معه مرات عديدة لتجعله يتوقف عن شربه للمخدرات ولكنها لم تنجح ويزداد الزوج في تعاطيه، بدأت ولاء تروي لـ الحادثة تفاصيل قصتها قائلة: "بقالنا 15 سنة حياتنا ماشية تمام، جوزي كانت كل الناس بتحسدني عليه بسبب معاملته ليا أنا والعيال، كان على طول مش مخلينا عايزين اي حاجة وكل الحاجات اللي بيطلبوها العيال بتبقى عندهم"
اتغير معايا وخلقه بقا ضيق
تصرفات غريبة من قبل الزوج جعلتها تفكر بأنه يوجد شيء لابد أن تعرفه وبمجرد تتبعها تحركاته علمت بأنه بدأ في طريق المخدرات حاولت منعه أكثر من مرة ولكنها فشلت، أضافت ولاء: "فجأة تصرفاته بقت غريبة معايا أنا والعيال وبقا بتعصب كتير وخلقه ضيق على طول، شكيت إن في حاجة بس مكنتش عارفة إيه بس لما لقيته بقى يقعد في القهوة كتير عرفت على طول إنه بقى يشرب حشيش ومخدرات ومن ساعة لما عرفت كلمته واتخانقنا بس قال لي أنا حر أعمل اللي أنا عايزه".
عايزني أحشش معاه عشان أعجبه
زاد الزوج في إدمانه للمخدرات وزادت معه المشكلات التي سكنت عش الزوجية ما جعلها تفقد قدرتها على التحمل والعيش معه أكثر من ذلك، تستكمل ولاء: "بقى يجيب القرف اللي بيشربه دا في البيت وبقينا نتخانق كتير وكل ما أجي أكلمه واقوله مينفعش لازم تبطل عشان خاطر العيال يقول لي خدي نفس، كنت بقوله فترة وهيبطل بس مفيش فايدة فيه وكل ما يجي يشرب مصمم يخليني أحشش معاه"، قررت الزوجة الإقدام نحو محكمة الأسرة ورفع دعوى طلاق بعد ما أدركت أنه لا يوجد جدوى من كل محاولاتها معه.
تابع أحدث الأخبار عبر
