كريمة في دعوى خلع: اكتشفت إنه مدمن من تالت يوم جواز
زواج تعيس دام مدة 12 عاما بسبب إدمان الزوج للمخدرات جعله غير واعيا لتصرفاته وأسلوبه مع الزوجة والأولاد ما أدى لنشوب المشكلات والخلافات بينهما بشكل مستمر دفع الزوجة لطلب الطلاق أكثر من مرة ولكنه مصر على عدم الطلاق، ما دفعها تخطو خطواتها نحو محكمة الاسرة لتكون هي ملجأها وترفع دعوى خلع.
اكتشفت أنه مدمن من تالت يوم جواز
حاولت كريمة التعايش مع الوضع الذي تسبب فيه الزوج نتيجة شربه للمخدرات، فكانت تصبر من أجل أولادها ولكن انتهى الحال بأنه أخذ ابنها دون رضاها ويقسي قليه عليها ما دفعها تلجأ لرفع دعوى خلع، تابعت كريمة: "اتخطبنا 7 شهور بس وهو كان في الجيش تقريبًا مشوفتوش ومش عارفاه كويس، اتجوزنا بعدها واكتشفت في تالت يوم إنه بيشرب مخدرات بسبب الحاجات اللي لقيته في هدومه".
تصاعدت المشكلات بن الزوجين بسبب تكاسله عن العمل ورفضه إعطاء الزوجة أي مصا ريف ما دفعها تبحث عن العمل من أجل أولادها الذين يتضورون جوعًا بسبب إهمال الزوج وعدم اهتمامه بشيء سوى مزاجه، أضافت كريمة: "خلفت عيل والتاني وهو مش راضي يصرف وكل ما أجي أقوله عايزة مصاريف للعيال يقول لي أنا مش معايا فلوس ولو نزل الشغل بينزل يومين بس يجيب حق كيفه وجرعته وخلاص ومش مهم احنا".
قاعد في البيت وأنا اللي بصرف
أكملت حديثها:"اشتغلت حاجات كتير عشان أعرف اصرف على عالي ومكنش فاق معيا يجيب مصاريف أو لا المهم اجيب أكل للعيال اللي ملهمش ذنب في حاجة دا غير ضربه ليا".
أرادت الزوجة الطلاق من بداية الزوج بعد ما اكتشفت إدمانه ولكن والدتها كانت تمانع فكرة الانفصال، عادت لبيت إرضاءً لوالدتها وظلت على هذا الحال لمدة 12 عاما وهي لا تعرف كيف تهرب مكن حياتها، وبدأت تفكر في الفرار من حياتها بعد وفاة والدتها وشعرت أن هذا الأفضل لها هي وابنها.
تابعت كريمة: "كنت عايزة اتطلق من أول الجواز، بس أمي مكنتش راضية ورجعت عادي بس المشاكل كترت أوب بينا وفي كل مرة بروح لأي وأقولها أنا عايزة اتطلق تقولي معندناش طلاق وفضلت على الحال دا وأنا مش راضية على العيشة اللي أنا عايشاها معاه".
أنهت حديثها: "صبري فاض خلاص ومبقتش قادرة استحمل وطلبت منه الطلاق قال لي مش هطلقك وعندك المحكمة أهي ارفعي عليا قضية ولما ماما ماتت رفعت عليه قضية بقالي شهرين".
تابع أحدث الأخبار عبر
