معندوش شخصية.. هدى في دعوى نفقة : خناقة عادية وأمه خلته يطلقني غيابي
دعوى نفقة هي ما فكرت به هدى بعد أن تسببت حماتها في الطلاق غيابيًا، رغم أنه لم يحدث بينها وبين زوجها مشكلة تستدعي ذلك، فقد تركت المنزل بعد خلاف معتاد إلا أن الانصياع وراء الأم كان قاسيًا هذه المرة.
فالغيرة والتسلط من أهم الأسباب التي تخلق مشكلات كثيرة بين الأزواج بسبب تسلط الأهل وتدخلهم في كل الأمور الشخصية للزوجين، ما يؤدي لتصاعد الأمور بينهما ونشوب الخلافات التي تنتهي بخراب عش الزوجية والانفصال الحتمي للزوجين في أغلب الأحيان.
هدى في دعوى نفقة : خناقة عادية وأمه خلته يطلقني غيابي
"أمه خربت بيتي" بهذه العبارة بدأت منال تروي معاناتها مع أهل زوجها منذ دخولها عش الزوجية، أضافت: “من أول في الجواز وأمه بتدخل في كل حاجة حتى أنا مكنتش أعرف إنها جايه معانا في سفرية شهر العسل وكانت معانا في نفس الشالية كمان، كلمت جوزي قولتله جايب أمك ليه قالي هي عايزة تيجي، سكت مردتش أعمل مشاكل وقولت أنا لسه في شهر العسل”.
تابعت: "من ساعة ما تجوزنا وأهله بيتدخلوا في كل حاجة بينا وحصلت مشاكل كتير بينا بسبب الموضوع دا، وكل ما أكلم جوزي يقولي أمي تعمل اللي هي عايزاه، ماشي ورا أمه في كل حاجة بتقولها حتى لو غلط".
محاولات فاشلة في التأقلم مع أهل الزوج
حاولت الزوجة التأقلم على فكرة تدخل حماتها في كل أمورها الشخصية ولكن الوضع كان يزداد سوء مع مرور الوقت، لم يقتصر الأمر على تدخل أهله بينهم ولكن وصل لضرب الزوجة من قبل شقيق الزوج، وكان هذا الموقف كفيل لكي تتخذ قرار الانفصال عنه، تابعت: "زهقت من أمه وقرفها ناس بسبب تدخلها في كل حاجة حتى لو طالع لي بكيس فاكهة توقفه وتشوفه جايب لي إيه، لقيت الموضوع زاد عن حده وسبت له البيت ومشيت بس هو رجعني وقالي مش هخليها تتدخل بينا تاني، بس لما رجعت مفيش حاجة اتغيرت".
نشبت الخلافات بين الزوجين وتشاجرا كأي زوجين في بيتهما، ولكن كالعادة تدخل أهل الزوج في الموضوع، ما أدي لتصاعد المشكلة بعد ضرب الزوجة من قبل شقيقه ما دفعها في التفكير في الانفصال، أضافت منال: "في يوم كنا بنتخانق عادي زي أي اتنين لقيت أمه طلعت لي واتخانقت معايا والموضوع كبر، وأخوه كمان لقيته بيشتمني ولما شتمته ضربني وجوزي كالعادة معملش أي حاجة عادي".
تابعت: "مشيت من البيت وكنت فاكراها خناقة عادية وهيرجعني زي كل مرة بس تفاجئت ولقيت ورقة طلاق غيابي مبعوت لي على البيت".
أنهت حديثها: "طلبت منه مصاريف لابني وفي كل مرة بيرفض ويقولي مش هبعتلك حاجة، رفعت دعوى نفقة عشان اجيب مصاريف لابني"، ولا تزال القضية منظورة في المحكمة حتى الآن.
تابع أحدث الأخبار عبر
