رشا في دعوى طلاق للضرر: «طلقتي بيني وبينه وعايز يعيش معايا في الحرام»
طرقت الزوجة أبواب محكمة الأسرة لتدافع عن دعوى طلاق للضرر لكي تأخذ حقها وحق أولادها من أفعال زوجها بسبب طمعه ورغبته في الحصول على الأموال حتى وإن كان على حساب أولاده، وتعاليم الشرع الحنيف التي تحرم إقامة الزوجين معا بعد الطلاق حتى لو كان طلاقا شفهيا لم يشهد عليه أحد.
«كل حاجة اتغيرت من ساعة وفاة أبوه» هكذا بدأ المحامي محمد كمال يروي قصة المدعية «رشا» على تحول الزوج المفاجئ منذ وفاة والده، تابع: «متجوزين بقالهم عشر سنين والأمور بينهم كانت مستقرة والزوج كان كويس ومستواه المادي كويس جدًا وبيصرف على عياله كويس وعايشين في شقة تمليك 120 متر وحياتهم كانت سعيدة».
أضاف: «فجأة تحول الزوج منذ وفاة والده بسبب أن والده كان عايش في شقة إيجار قديم 60 متر وإيجارها مش عالي خالص فطلب من مراته إنهم يروحوا يعيشوا في شقة أبوه ويبيعوا شقتهم اللي عايشين فيها وياخد فلوسها أحسن وفي نفس الوقت عشان الشقة متروحش عليه».
زوجة ترفع قضية تجميد على زوجها وطلع عليه 40 ألف جنيه
استغربت الزوجة تصرف الزوج لأنه ميسور الحال وغير محتاج للفلوس، لكن طمعه عمى قلبه وطرد أبناءه وزوجته في الشارع، أضاف كمال: «لما قالها إنه عايز يبيع الشقة ويقعدوا في شقة أبوه رفضت وقالت له أنا مش همشي من شقتي، اتخانقوا مع بعض وطردها هي والعيال وراحت عند بيت أهلها»، تابع: «راحت عند بيت أهلها بقالها سنتين ومن ساعتها وهو مبيسألش عليها ولا بيبعت أي فلوس للعيال ولما طلبت منه فلوس رفض وقالها مش هبعت حاجة، رفعت قضية تجميد وطلع عليه 40 ألف جنيه ودفعهم فعلًا».
طلبت الزوجة الطلاق عدة مرات ولكنه رفض ما دفعها لرفع دعوى طلاق للضرر، تابع المحامي: «طلقها بينها وبينه ومش عارفة تثبت إنه طلقها ولما قالت له إنها عايزة تتطلق رسمي رفض وقالها ارجعي عيشي معايا ولما رفضت قالها اعملي اللي تعمليه ووريني هتثبتي إني طلقتك إزاي، عايز يعيش معاها في الحرام».. أخر ما زهقت رفعت طلاق للضرر عشان تخلص منه».. ولا تزال القضية منظورة في المحكمة حتى الآن.
تابع أحدث الأخبار عبر
