منال للقاضي: «عايز يطردني أنا وعياله الستة من البيت..ومش عارف يصرف علينا»

10 سنوات من السعادة الغامرة في منزل الزوجية، دون أي مشكلات، أثمرت عن «نصف دستة من الأولاد» قبل أن تنقلب الحياة رأسا على عقب منذ 4 سنوات كاملة وتحول عش الزوجية إلى جحيم وخلافات بسبب تكاسل الزوج عن العمل بعد تراكم الأقساط عليه وصعوبة المعيشة على الزوجة والأبناء بعد غلاء الأسعار.

أقرأ أيضًا: الأب كبر والأم قلبها مكسور.. سامية: «عيالي مش راضيين يصرفوا علينا»

«جوزي عايز يمشيني من الشقة» هكذا بدأت منال حديثها وعلى وجهها علامات الحيرة لا تدري إلى أين تذهب هي وأولادها الستة، مضيفة: «جوزي كان بيشتغل سواق وكان كويس ومحترم معايا بس كان جايب عربية بالقسط بيشتغل عليها، بس الأقساط كترت عليه ومعرفش يسدد الفلوس اللي عليه والبنك أخد العربية منه ومن ساعتها وهو قاعد في البيت».

أقرأ أيضًا: ملحقتش تفرش السجاد.. قصة زواج استمر 60 يوما وانتهى بمأساة

 
مساندة الزوجة

تابعت منال: «من ساعة ما جوزي قعد من الشغل من 4 سنين والحياة بقت صعبة والمصاريف كترت أوي علينا، نزلت اشتغل عشان أساعد في مصاريف البيت وأصرف على العيال».

 
أضافت: «عندي تؤام عمر، وسلمى عندهم 11 شهر ومصاريفهم كتير أوي، ابني الكبير اللي عنده 13 سنة نزل يشتغل في مصنع وبياخد 50 جنيه في اليوم عشان يساعدني في المصاريف، وبنتي عندها 12 سنة ومخطوبة ومش عارفة هجيب لها الجهاز منين».

على هامش الغلاء وعدم وجود موارد كافية، تكرر الصدام بين الزوجين بسبب تكاسل الزوج عن العمل وزيادة المصروفات، ما أدى لغضب الزوجة، مضيفة: «قلت له كذا مرة انزل دور على شغل بدل ما أنت قاعد كدا قالي أنا مبعرفش أعمل حاجة غير السواقة». 
تتابع: «اتخانقت معاه كتير بسبب قعدته في البيت وكل مرة بيقولي روحي عند بيت أهلك عشان يصرفوا عليكي وعايز يطردني أنا والعيال من الشقة».

فقدت الزوجة الأمل في زوجها بعد تحايلها عدة مرات للبحث عن العمل من أجل أولادها ولكن الزوج كان عديم الرحمة لا يهمه أمر أولاده الستة فتوجهت إلى محكمة الأسرة بالجيزة ورفع دعوى تمكين من الشقة ليحميها القضاء من زوجها الذي يريد طردها هي وأولادها ولا تزال القضية منظورة في المحكمة حتى الآن.

أقرأ أيضًا: «عايزني اعمله غدا بـ 20 جنيه».. أميرة للمحكمة: «جوزي عربجي ورفع على ابني مطواة»

تابع أحدث الأخبار عبر