شاهد تامر امين يطالب بالغاء مواد الثانوية العامة أدبي.. إيه فايدة التاريخ والجغرافيا والفلسفة؟

طالب الإعلامي تامر امين، في إطار حديثه عن نظام الثانوية العامة الجديد 2025، بـ الغاء مواد الثانوية العامة في القسم الأدبي بشكل خاص، حيث يرى أنها مواد "ما لهاش لزمة"  في سوق العمل، وذلك في برنامجه آخر النهار المذاع على قناة النهار.

تطوير مناهج الثانوية العامة

وبعد مقدمة تكلم تامر امين عن أننا مقبلون على تطوير نظام الثانوية العامة بما يتوافق مع متطلبات العمل، وأننا منذ الثمانينيات نتكلم عن تطوير المناهج، وكل اللي حصل أنه تم حذف الحشو، لكن المناهج نفسها 90% منها هي هي من تلاتين أربعين سنة.

وعقب بقوله: آن الأوان إن احنا نغيرها، خاصة القسم الأدبي.

خلونا في اللى بيجيب تقدُّم ويأكِّل عيش

واعتبر تامر امين أن مواد القسم الأدبي في الثانوية العامة لا فائدة من تعلمها، متسائلا: إيه الفايدة في إن الطالب في الثانوية العامة يدرس تاريخ؟ رغم أن هناك دولا ليس لها تاريخ، وتؤلف تاريخا لها، وبرر منطقه بقوله: خلونا في اللى بيجيب تقدُّم ويأكِّل عيش.

تامر أمين يقترح تغيير نظام الثانوية العامة

وأضاف الإعلامي تامر امين: ليه طالب ثانوي يدرس جغرافيا؟ يدرس فلسفة ومنطق ليه؟ هيعمل بيهم إيه؟ وهيفيده بإيه دخول الكلية؟ وهيفيد سوق العمل بإيه؟

وتابع: آخره إنه هيحاول يدور على إنه يشتغل مدرس تاريخ أو فلسفة.

استبدال مواد الأدبي في مناهج الثانوية العامة

وأوضح أن المرحلة الثانوية دورها هو تجهيز الطلاب لسوق العمل، وأن دراسة التاريخ والجغرافيا والفلسفة وعلم النفس والمنطق "مش هيعمل بيهم حاجة"، مطالبا باستبدال هذه المواد في مناهج الثانوية بمواد تفيدهم.

مش شايف فايدة لتدريس اللغات

واقترح تامر امين أن تستبدل وزارة التربية والتعليم المواد الأدبية بمواد التسويق "والموارد البشرية والتنمية البشرية، وعلوم وفنون الاتصال؛ بوصفها من وجهة نظره مهمة جدا في سوق العمل.

وعن نظام الثانوية العامة بالقسم العلمي اقترح تامر امين أن تكون مواد فهم لا حفظ، وأن يكون الامتحان بنظام الأوبن بوك؛ عشان تفكر مش عشان تنقش، تفهم مش عشان تحفظ، متسائلا: هل الهدف إن احنا نعلم ولا ندِّي شهادة؟

مختتما بقوله: أكيد الهدف إن انا أعلمه يفيد بلده ونفسه، مش ادي له شهادة يبيع بيها بطاطا.