فيديو بث مباشر.. أم تستغيث من مستشفى زايد التخصصي: ابني يبموت ورافضين يعالجوه

استغاثت سيدة من إهمال مستشفى زايد التخصصي في فيديو بث مباشر عبر صفحتها على فيس بوك، تشتكي فيه من استهتار الأطباء بصحة وأرواح المرضى، وتتهم مستشفى زايد الخصصي بالإهمال المستشفى ورفض الأطباء الكشف على طفلها وتعاملهم معها بسخرية ولا مبالاة، وعدم قبول حالة طفلها رغم أنها سيئة جدا.

شكوى أم من إهمال مستشفى زايد التخصصي

وقالت الأم، وتدعى هيام محمود، وفقا للفيديو المنشور على حسابها إن ابنها الصغير البالغ من العمر 6 سنوات انتباه فجأة صراخ وبكاء شديد لإصابته بصداع، فهرولت إلى مستشفى زايد التخصصي من أجل علاجه.

وأضافت "لقيت كذا واحد من الدكاترة الصغيرين عمالين يلفوا حوالين بعض، وده عمال يشقطني لده، وده يقول لي خلي ده يكشف عليه، وده يقول لي خلي ده يكشف عليه، في الآخر قالوا لي روحي للدكتور اللي هناك دي فيه كشف ف إيدها، خليها تكشف لك بعد الكشف اللي هتخلصه".

وتابعت أن الأطباء أخبروها بأن الكشف سيكون على كرسي "يعني لا فيه غرفة ولا أي حاجة، رحت للدكتورة لقيتها بتكلمني بكل تناكة ومن فوق لتحت وبأسلوب وحش جدا، وقالت لي: ماله ابنك؟ قلت لها عنده صداع وبيعيط من دماغه، فردت عليا بأسلوب وحش وقالت: وانتي كأمه ما اديتهوش دوا ولا مسكن ليه؟ جايباه هنا ليه؟ فقلت لها أدي له دوا من غير كشف إزاي هو أنا دكتورة؟! أنا اتصلت بالصيدلي وقلت له عايزة دوا لابني قال لي ما ينفعش، فالدكتورة ردت عليا بطريقة وحشة وبأسلوب وحش، وقالت لي ما فيش مكان فاضي، قلت لها الواد بيصرخ وبيعيط قدامك، ومش هاين عليكي تكشف له؟! قالت لي: لما يفضى مكان".

واختتمت "الواد بيموت قدامها وعمال يصرخ، وصوته مسمع المستشفى وهي عمال تتني وتتفرد عليا مش عايزة تكشف ع الواد""