محكمة الأسرة اليوم
محكمة الأسرة اليوم | سلوى: جوزي جايبلي عريس.. وأمل: مسرح عياله في الشحاتة
ينشر موقع الحادثة ضمن نشرة أخبار محكمة الأسرة اليوم، أبرز القصص التي نشرت على مدار اليوم الأربعاء، والتي تباينت بين زوجات وصل بهن الطريق إلى أعتاب محكمة الأسرة بحثا عن حقوقهن، أو أزواج لم يستطيعوا التأقلم مع زوجات لم يشفع لهن حسن المعيشة.
محكمة الأسرة اليوم.. أمل: مشغل عياله في الشحاتة عشان بتكسب كويس
دعوى خلع كانت الحل بعد 12 عامًا من الزواج بسبب توجيه الأب أولاده لطريق "الشحاتة" بسبب ضيق الحال وعدم تغطية كافة مصروفات المنزل، قالت الزوجة للقاضي: "استحملته في الأول بسبب موضوع المصاريف اللي كان ماسك إيده معايا أنا والعيال بس هو كان بيقلل المصروف أكتر مكن الأول، لحد ما اتخانقت معاه، قال لي ننزل العسال تشحت، كنت فاكراه بيهزر في الأول بس لقيته بيتكلم بجد وفعلا نزلهم الشارع كام يوم وكسبوا كويش وانا قلت لهم لا قعدهم قال لي لا الشحاتة بتكسب حل خليهم يجيبوا فلوس للبيت"، رفضت أمل هذه الفكرة ومن هنا بدأت المشكلات والخلافات تتفاقم بينهما لذا قررت اللجوء إلى محكمة الأسرة ورفع دعوى خلع.
محكمة الأسرة اليوم.. عزيزة: معرفش حاجة عن بنتي بقالي 17 بشوفها صورها على النت
قسوة عاشتها عزيزة لسنوات طويلة بعد الإهانة التي تلقتها من زوجها عديم الرحمة، جعلتها تهرب منها وتقرر عدم العودة مرة أخرى لهذه الحياة، ولكن كانت عقوبة هذا القرار قاسية جدًا بالنسبة لها، قالت في روايتها أنها رفضت العودة معه مرة أخرى بعد مجئها لبلدها من أجل الإنجاب، تابعت: "لما جيت مصر عشان أولد مكنتش عايزة ارجع تاني هناك معاه عشان مش عايزة أعيش الحياة اللي كنت عايشاها معاه قبل كدا، وهو خد مني بنتي وسافر هو عشان يضغط وارجعله بس أنا برضو رجعتش ومبكلمهاش غير كل فين وفين، بشوف صورها على النت بس".
محكمة الأسرة اليوم.. سلوى: جوزي جايبلي عريس
كانت الحالة المادية هي السبب الرئيسي في الخلافات المستمرة بين الزوجين، ومن أجل حل هذه المشكلة أخبرها الزوج بأنه جلب لها العريس المناسب المقتدر الذي يكون هو طوق النجاة لإنقاذ حياتهما التعيسة، استمرت الخلافات بينهما للسبب ذاته لذا قرر الزوج اقتراح فكرة ضمن لهم حياة أفضل، استكملت روايتها وعلامات الصدمة تعتريها قائلة: "جوزي عشان حيل مشكلة الفلوس عمل إيه، جه في يوم وقال لي أنا عارف إن ظروفنا صعبة عشان كدا أنا من رأيي إني أطلقك وتتجوزي حد تاني يصرف علينا كلنا"، تابعت: "كنت فاكراه بيهزر في الأول بس لقيته لسة مكمل في اللي بيقوله وبيقول لي في حد متريش كلمني عليكي وعايز يتجوزك".