«الشرطة» تفحص منشورًا لفتاة تزعم تعرضها للتشويه من شاب لرفض والدها خطوبتهما

تفحص أجهزة الأمن، منشور متداول لتشويه وجه وجسد فتاة، على يد شاب، لرفض والدها الارتباط بها.

تشويه فتاة

تداول نشطاء مواقع التواصل الاجتماعى، منشورًا مدعومًا بالصور والفيديوهات، لفتاة اسمها فاطمة، شرحت فيه تفاصيل تعرضها للتشويه بمطواة، على أيد شاب، كانت على علاقة عاطفية به.

قالت الفتاة في منشورها: "أناإامبارح أصعب يوم مر عليا، كنت مرتبطة بواحد وانفصلنا من شهر، وكان بيحاول يرجعلي، واتكلم مع والدي في التليفون أنه يكون في حاجة رسمي، وبابايا رفضه، علشان شايفه مش مناسب ليا، وأنه أنا لسة صغيرة، وبعدها كلمني في التليفون وشتمني أنا وأهلي، بأوسخ الألفاظ، وقفلنا.

وأضافت: “نزلت اتسحر مع أصحابي، وكنت مروحة أنا وصحبتي وزنق علينا بالعربية، ونزل فتح الباب وراح مطلع مطوة من جيبه، وغرزها في دماغي، ومسكتش، وقام غرزها فى رجلي وأغمى عليا، وودوني على المستشفى، وخيطت 24 غرزة، وعملت محضر وهو هربان لحد دلوقتي، أنا مش عاوزة غير حقي وخلو بالكم ياجماعة من نفسكوا”.