«مسطول ومطوح».. منى في دعوى نفقة: مضيع مصروف العيال على الكيف

دعوى نفقة تقدمت لها الزوجة بسبب إهمال الزوج أولاده بسبب إنفاق كل ما لديه على المخدرات علاوة على أخذ أموال أولاه دون الالتفات لمصلحتهم.

قصص محكمة الأسرة.. مضيع عليه كل فلوسه

حياة صعبة تحملتها الزوجة في منزل ملئ بالإدمان فقط من أجل الحفاظ على المنزل من الخراب وعدم اللجوء إلى الانفصال وفي النهاية كان الحل هو إقامة دعوى نفقة، واستهلت منى حكاياتها قائلة: "مضيع كل فلوسه على المخدرات والقرف ومش فارق معاه عياله، بقالي 7 سنين أنا اللي شايله البيت وأنا اللي بصرف على العيال عشان هو مش فاضي لحاجة غير لشربه للمخدرات اللي مضيع عليه كل فلوسه".

اقرأ أيضا

محكمة الأسرة اليوم | هبة: شكاك وبيغير من عيالي.. ونورا: معاه بنام من غير عشا

حكايات محكمة الأسرة

تفاقمت الخلافات مع مرور الوقت وبذلت الزوجة قصارى جهدها لمحاولة إقناعه بالإقلاع عن لإدمان من أجل الحفاظ على المنزل ولكن كانت الأوضاع تتدهور بطريقة مبالغ فيها، تابعت: "حاولت أخليه يبطل القرف اللي بيشربه دا كتير بس مفيش فايدة فيه برضو، ولسه مكمل وعاجبه الموضوع أوي كمان، واللي بوظ الدنيا أكتر الآيس، في الأول كان بيشرب حاجات خفيفة بس أول ما عرف الآيس وهو اتحول 360 درجة في كل حاجة بقا واحد تاني خالص".

عجائب محكمة الأسرة.. بياخد مصاريف عياله عشان الكيف

قررت منى قصد محكمة الأسرة من أجل رفع دعوى نفقة بعد ما فقدت الأمل في صلاح حال زوجها، أنهت حكاياتها قائلة: "مبيتغيرش ولسه زي ما هو وكل ما أجي أكلمه إنه يخلي باله من العيال يقول لي أنا مليش دعوى بيهم، ولسه مكمل في الطريق اللي هو ماشي في دا ومش فارق معاه حاجة، حتى فلوس عياله بياخدها عشان يشتري بيها كيفه".