أخبار محكمة الأسرة
«قايدلها صوابعي العشرة شمع».. محمود: مش عاجبها العجب وفي الآخر رافعه طلاق
«افتح أنا مُحضر من المحكمة» كلمات استقبلها «محمود» الذي لا يعرف الخصومة مع أحد ولم يعتاد الذهاب إلى قسم الشرطة فضلا عن المحاكم ومنها محكمة الأسرة، ليجد نفسه بها بسبب تصرفات زوجته التي كانت السبب في جميع المشكلات والخلافات بينهما -بحسب قوله، حاول الزوج إرضاءها بكل الطرق ولكن كانت الخلافات تتصاعد بينهما بطريقة يصعب السيطرة عليها، وكانت النتيجة في النهاية قصدها محكمة الأسرة من أجل إقامة دعوى طلاق.
حكايات محكمة الأسرة
استهل الزوج حكاياته لـ "الحادثة" مؤكد معاناته الذي يعيش فيها من بداية الزواج قائلا: "من ساعة ما اتجوزت وأنا بعاني معاها، على طول مش عاجبها العجب، عملت لها كل حاجة وحاولت ارضيها كتير عشان ميبقاش في مشاكل بينا بس هي برضو مصممة على الخناقات والمشاكل طول الوقت على أتفه حاجة".
قصص محكمة الأسرة.. من ساعة ما اتجوزتها وأنا بحاول اسعدها
محاولات كثيرة أهدرها محمود على أمل صلاح حياته ولكن كانت الزوجة هي السبب في افتعال المشكلات وخراب عش الزوجية، تابع محمود رواياته قائلا: "تعبت معاها ومبقتش عارف أرضيها ازاي وبأي طريقة، وأنا بعاملها بما يرضي الله وبعملها كل اللي هي عايزاه عشان امشي الدنيا بينا بس هي كانت بتقف على الكبيرة والصغيرة ودايما مش عاجبها كل حاجة".
روايات محكمة الأسرة.. مش عارف هي رفعت قضية طلاق
أصرت الزوجة قصد محكمة الأسرة بعد ما حاول محمود بكل الطرق ما السبب وراء طلبها ولكن رفضت الزوجة إعطاءه اي فرصة للرجوع وأصرت على رفع دعوى طلاق في محكمة الأسرة.
أنهى محمود حكاياته قائلًا: "كل شوية كانت تغضب وتسيب البيت على أتفه حاجة، وأنا ارجعها وأصلح الدنيا عشان المشاكل متكبرش، وجت في آخر مرة سابت فيها البيت طلبت الطلاق استغربت من طلبها ومرضتش أطلقها وحاولت ارجعها كتير بس اتفاجئت إنها بعد كام شعر رفعت قضية طلاق لما لقتني مش راضي اطلقها، ولحد دلوقتي أنا معرفش السبب الحقيقي اللي خلاها تتطلق عشان أنا مكنتش مخليها محتاجة اي حاجة"