محكمة الأسرة.. منال: مضيع كل فلوسنا على المخدرات ومش عايزني أتكلم

بعد محاولات كثيرة فاشلة كانت محكمة الأسرة هي الحل الأخير الذي قصدته منال بعد ما فقدت الأمل في إصلاح الحال وإقلاع الزوج عن المخدرات التي تسبب في دمار وخراب حياتهما بعد ما توجه الزوج إلى هذا الطريق الشائك منذ 5 سنوات كانوا أسوأ سنوات عمرها على حد قولها بعد ما وجدت شخصية بعيدة تمامًا عن التي احبتها وتزوجتها في البداية.

قصص محكمة الأسرة.. المخدرات بوظت حياتنا

بدأت الزوجة حكاياتها لقاضي محكمة الأسرة مبررة رغبتها في إقامة دعوى طلاق والدموع تملأ عينيها بعد ما عانت من حياة تعيسة مع رجل مدمن لا يلتفت إلى مصلحة بيته وأولاده، تابعت: "حياتنا كانت كويسة جدًا ومفيش أي مشاكل بس كل حاجة اتغيرت من ساعة ما عرف طريق المخدرات اللي بوظ حياتنا كلها، كنت فاكره إنه سهل أخليه يبطل القرف دا بسهولة بس طلع عيني وفي الأخر مش راضي يبطل اللي بيشربه دا وعاجبه حاله كدا".

اقرأ أيضا

عجائب محكمة الأسرة.. ياسمين: كل ما نتخانق يرفع عليا السلاح

حكايات محكمة الأسرة.. مش راضي يجيبها لبر
حل أزمة المصروفات على البيت بعد ما اتجه إلى طريق المخدرات الذي ينفق فيه كل أمواله دون مراعاة احتياجات ومتطلبات وزوجته، ما جعل الخلافات تتفاقم بطريقة يصعب السيطرة عليها لذا فكرت في الانفصال مرات كثيرة حتى تتخلص من حياتها التعيسة، تستكمل باقي حكاياتها وتقول: "طبعًا بقا واحد تاني خالص، وكل فلوس الشغل رايحة على المخدرات والكيف ولو جيت اتكلمت معاه بتقلب بخناقة أكبر من العادي، استحملت سنة واتنين عشان مكبرش الموضوع بس هو مش راضي يجيبها لبر وعمال يزيد في القرف اللي بيشربه دا".

عجائب محكمة الأسرة.. بيشتغل عشان يجيب تمن مزاجه بس

ظلت المشكلات بينهما ف التصاعد ما جعل الزوجة تترك المنزل وتطلب الطلاق من الزوج ولكنه رفض ما جعلها تقصد محكمة الأسرة بعد معاناتها التي استمرت 5 سنوات بالكامل مع رجل مدمن، انهت رواياتها قائلة: "مضيع كل فلوسنا على القرف اللي بيشربه دا وكل ما أجي أكلمه يقول لي انتي ملكيش دعوة فلوس وأنا حر فيها، بقى بيشتغل بس عشان يجيب تمن القرف اللي بيشربه دا غير كدا ميعرشف حاجة عن البيت ولا المصاريف ولا يعرف عن عياله أي حاجة، عايش في العالم بتاعه وبس".