أخبار محكمة الأسرة
حكايات محكمة الأسرة.. فاطمة: مبيتعاملش غير بالضرب والشتيمة
عزمت الزوجة على قصد محكمة الأسرة في السنة السادسة من الزواج بعدما وجدت طريقة سوقية من زوجها الهمجي مع العلم أن هذه الطريقة ظهرت بعد الزواج فقط، مع محاولات كثيرة منها قررت قصد محكمة الأسرة ورفع دعوى طلاق.
قصص محكمة الأسرة.. كان كويس قبل الجواز
"مش عارفة اتفاهم معاه زي الناس العادية عشان إيده ولسانه سابقين علطول"، كانت هذه الكلمات الأولى في رواية فاطمة التي قصدت محكمة الأسرة بعد 6 سنوات من المعاناة المستمرة مع زوج همجي لا يتعامل إلا بالضرب والإهانة، تستكمل باقي حديثها للقاضي وتقول: "كان بيتعامل معايا بما يرضي الله قبب الجواز وكان كويس معايا جدا، وأهلي كانوا بيحبوه اوي، معرفش إيه اللي حصل بعد الجواز ولقيته اتغير 180 درجة".
روايات محكمة الأسرة.. كنت فاكراها يعرف عليا ستات
ظنت فاطمة في البداية أن سبب تغيره المفاجئ له علاقة بوجود امرأة أخرى في حياته، ما جعلها تبحث وراءه، تابعت: "لما لقيته اتغير مرة واحدة كدا بعد الجواز فى التعامل معايا وإنه بقا مش طايقني طول الوقت، قلت أكيد في واحدة تاني، فتشت موبايله ملقاش فيه حاجة وطاع الموضوع ملهوش علاقة. بالساعات أصلا، بس طريقته لسة زي ما هي مبتتغيرش بالعكس بتزيد".
دعاوي محكمة الأسرة.. فاطمة في دعوى طلاق
قررت الزوجة اللجوء إلى محكمة الأسرة في السنة السادسة بعد ما ازداد الزوج في أسلوبه الهمجي معها، أضافت فاطمة: "مش عارفة اتعامل معاه ازاي وانا زهقت من طريقته اللي كله شتيمة وضرب، مبعرفش أتكلم معاه خالص بسبب طريقته دي، عشان كدا سبت البيت ورفعت عليه قضية طلاق عشان اخلص من قرفه اللي مبقتش مستحملاه دا".