أغرب العادات في عيد الفطر.. مواويل في نيجيريا و"الطاسة" في اليمن

عيد الفطر واحد، لكن مظاهر الاحتفال بيه تختلف من بلد لأخرى، وهناك طقوس غريبة لبعض الدول الإسلامية، منها مثلا اللى بيحصل في جزر القمر، الناس هناك بتستقبل العيد بإقامة مسابقة للمصارعة الحرة.

أما في نيجيريا، يمر موكب للشخصيات العامة وفرقة شعبية بتغني المواويل والأغاني الشعبية، وده طقس مقدس في نيجيريا.

وفي اليمن، فيه عادة غريبة للاحتفال بعيد الفطر، الشباب بيتجمع للرقص على دق الطبول، وعزف بعض الأغانى التراثية الخاصة بأول أيام العيد، ويسمى هذا التقليد بـ"الطاسة"، وفيه طقس آخر بيسموه "برع"، بيعتمد على الرقص بالخناجر، مع وضع البندقية على الكتف.

فيه كمان عادة غريبة يفعلها سكان غزة ولبنان وبعض المناطق بالأردن، هناك الناس اتعودت على أكل الفسيخ أول أيام عيد الفطر، ولكن مش زي الفسيخ اللى بياكله المصريين وعليه الخل والليمون، بل بيتم إعداد صلصة مقلية في التوم وبيحطوا سمك الفسيخ فيها، وبيعتقدوا إن الفسيخ المالح مطهر للمعدة بعد صيام 30 يوم في رمضان.