محكمة الأسرة اليوم
محكمة الأسرة.. عبير: اتجوزها بعد ما فهمني إنه بيساعدها عشان غلبانة
حياة زوجية تكاد أن تكون مثالية لمدة 15 عاما أثمرت 4 أولاد في منزل هادئ مستقر كان محط الأنظار للجميع، لينقلب الحال رأسًا على عقب، حيث فوجئت بزواجه من السيدة الذي ادعى أن علاقته بها من أجل المساعدة المادية فقط؛ لتقرر بعدها التوجه إلى محكمة الأسرة من أجل رفع دعوى طلاق.
قصص محكمة الأسرة.. كنا عايشين أحلى عيشة
استهلت عبير حكاياتها للحادثة وعلامات الحزن تسيطر عليها قائلة: "كنا عايشين زي الفل ومفيش أي مشاكل خالص، وكنت بحمد ربنا إنه رزقني بزوج صالح زيه بيخاف عليا ويرعاني انا والعيال ومش مخلينا محتاجين أي حاجة، وحياتنا كانت ماشية تمام من غير أي مشاكل".
حكايات محكمة الأسرة.. بقاله فترة متغير معايا انا والعيال
لاحظت عبير تغير زوجها بطريقة مفاجئة دون أي مشكلات، وبدأت التساؤلات تكثر لمعرفة السبب وراء هذا التغير، واستمر الزوج في معاملته الغريبة معها هي والأولاد؛ ما جعلها تشك في أمره، وبدأت في رحلة البحث التي أدت لطلبها الانفصال، وتستكمل حديثها وتقول: "بقالنا 15 سنة زي الفل ومفيش أي مشاكل خالص، فجأة اتغير معايا انا والعيال ومبقاش عايز يقعد معانا ولا يتعامل معانا خالص من غير ما أي حاجة تحصل".
روايات محكمة الأسرة.. دخل عليا بكرة وكان مفهمني إنه بيعرف عليها
وتابعت "أنا مكنتش مطمنة خالص وحسيت إن فيه حاجة هو مخبيها، ولما جيت اقول له هو في إيه قال لي مفيش أي. أنا فضلت أتعامل عادي، بس انا كنت متأكدة إن فيه حاجة، فتشت في موبايله لقيته بيكلم واحدة على الواتساب كتير وفيه بينهم مكالمات كتير برضو، ولما واجهته قال لي دي واحدة غلبانة أنا باساعدها عشان جوزها متوفي وعندها عيال".
وحاولت الزوجة تصديق هذه الكذبة حتى تحافظ على البيت لتفاجأ بعد فترة قصيرة جدًا بمفاجأة كبيرة جعلتها تطرق أبواب محكمة الأسرة، أنهت حديثها وقالت: "صدقته وحاولت امشي الدنيا وقلت يمكن هو صح وبلاش أخرب البيت، بس ما فاتش شهرين ولقيته اتجوزها".
وقررت الزوجة التوجه إلى محكمة الأسرة ورفع دعوى طلاق على الفور، ولا تزال القضية منظورة في المحكمة حتى الآن.