مسلسلات النصف الثاني من رمضان.. على رأسها جودر لياسر جلال
في وسط ما الماراثون الرمضاني شغال والخناق بين المسلسلات في نسب المشاهدة وايه اعلاهم وايه اقلهم داير في البلد.. بيشارك كام مسلسل كدا في الماراثون دا في النص التاني من رمضان.
مجموعة فنانين اكتفوا بأن يكون مسلسلهم 15 حلقة بس... ويمكن تكون دي فكرة كويسة تجنبنا الحشو اللي مالوش داعي اللي بنلاقيه في المسلسلات تحديدا في موسم رمضان.. لمجرد بس انهم عايزين يكملوا الـ 30 حلقة.. فحط بقى أي أحداث مالهاش معنى ولا لزوم بس عشان نقففل الشهر.
ومن أبرز الفنانين اللي هينورونا في النص التاني من رمضان.. نيللي كريم في مسلسل فراولة.. وياسر جلال في مسلسله جودر.. واول بطولة لدياب هيشاركها مع الفنانين الكبار ميرفت أمين واشرف ذكي في مسلسل مليحة.. وبيرجعلنا النجم شريف منير مع الفنانة رانيا يوسف في مسلسل بقينا اتنين.. و محمد امام بعد غياب 3 سنين بمسلسل كوبرا.. اللي اتوقف تصويره بسبب وفاة والدة الفنان محمود البزاوي.. وبدون سابق إنذار.. آسر ياسين وعائشة بن أحمد.