هند لـ محكمة الأسرة: ودني وبيسمع كلام أهله وسايبني بقاله سنة

على عكس العديد من السيدات كان سبب تواجد هند في محكمة الأسرة ليس مطالبتها بحقوقها، ولكن لترك زوجها لها هي وأبنائها دون سؤال أو رعاية، وكان عدم تحمل المسؤولية هو طبع من طباع الزوج منذ بداية زواجهم لكن صبرت عليه الزوجة حتى تحافظ على بيتها حتى قررت ان تتخلص من الحياة معه عن طريق دعوى خلع في محكمة الأسرة.

قصص محكمة الأسرة..جوزي سايبني بقاله سنة

قالت «هند» في بداية حديثها: «أنا متجوزة  من ١١ سنة، خلفت من جوزي ٣ ولد وبنت ، وهو سايبني أنا والولاد دلوقتي بقاله سنة، أنا وهو اتجوزنا جواز صالونات، اتقدملي وسألنا عليه ومحدش كان عارف عنه حاجة وحتى اللي عارفينه قالوا كويس ومشافوش منه حاجة وحشة».

دعاوي محكمة الأسرة..جوزي مش راضي يشيل المسؤولية 

أكملت «هند» حديثها وقالت: «الدنيا كانت تمام في أول كام سنة جواز المشاكل بدأت لما خلفت ابني الكبير، جوزي كان هو اللي بيشتغل وكان  مرتاح ماديا وهو اللي بيصرف على البيت، بس مع زيادة المسؤولية بقى مش عايز يصرف كفاية علينا وكل ما اطلب منه حاجة يقولي مش لازم او متجبيهاش».

حكايات محكمة الأسرة.. ودني وبيسمع كلام أهله

تابعت «هند» حديثها قائلة: «كنت بتحايل عليه انه يزود مصروف البيت وكان بيرفض، مكنتش فاهمة هو بيعمل كدة ليه بس بعد كدة عرفت ان ده مش كلامه ده كلام أهله، هو كان طول عمره ودني وبيسمع كلام اهله في كل حاجة  يقولوا عليها يعملها وهما كانوا بيسلطوه انه ميصرفش عليا وميدنيش فلوس في ايدي، صبرت كتير على المشاكل بسبب الموضوع ده على امل انه يتحل لكن مفيش فايدة».

قضايا محكمة الأسرة..عايزني اروح اصالحه

أنهت «هند» حديثها قائلة: «لحد مع اخر مشكلة حصلت هو اللي ساب البيت بقاله سنة دلوقي وبقى يعاقبنا بانه ميسالش عليا او على العيال ومصاريفهم عايزني ارجع اتحايل عليه لكن أنا خلاص مش محتاجاه يصرف عليا أنا معايا وأقدر أصرف على ولادي أنا دكتورة ومش محتاجاه وأقدر أعيش من غيره ومن غير بهدلته عادي، وجيت المحكمة لما لقيت مش راضي يطلق ودي وبرفع خلع عشان اخلص منه».