«لمسني وأنا ماشية قلت حرامي عشان الناس تمسكه».. كيف اقتصت فتاة مايو من المتحرش

أصدرت محكمة جنايات القاهرة المنعقدة بالتجمع الخامس أمس الاثنين، حكما رادعا بمعاقبة المتهم بهتك عرض فتاة بالقوة بالسجن عامين وغرامة قدرها 10 آلاف جنيه. 

وينشر موقع "الحادثة" نص أقوال المجني عليها وكيف أوقعت بالمتهم واقتصت منه

س: ما تفصيلات ما حدث؟

ج: اللي حصل وأنا مروحة على البيت كان معايا واحدة صاحبتي اسمها مریم، کنا ماشين في الشارع كان منور وفاضي، وأنا ماشية كان في واحد على الناصية بيتكلم في التليفون وقال كلام أنا محسبتهوش عليا، وكملت مشي في طريقي، مافيش ثواني راح حاطط إيديه على جسمي من ورا، وأنا اتخضيت وصوت وهو طلع يجري وأنا جريت وراه وفضلت أقول حرامي وكان في واحد معرفهوش كان واقف في الشارع مسكه، وفي حد تاني نزل من العربية، الناس اتلمت وسألوني حصل إية قولتهم تحرش بيا.

س:  وماذا حدث بعد ذلك؟

ج: هو كان عايز يعتدي عليا لولا إني صوت والناس اتلمت علينا في الشارع، وقتها حاول يهرب فقررت إني أقول حرامي حد يمسكه، ولكن لما اتمسك قولت للأهالي بأنه تحرش بيا مسرقش مني حاجة، بس علشان كنت عايزه الناس تمسكه علشان أخد حقي منه.

وكشفت التحقيقات في القضية رقم 12265 لسنة 2023 جنايات المعصرة والمقيدة برقم 2875 لسنة 2023 كلي حلوان، عن قيام المتهم "جون"، بهتك عرض "ف.ك" بالقوة أثناء تواجدهما لشراء بعض المستلزمات من السوبر ماركت، حيث أقدم المتهم على هتك عرضها وتم القبض عليه وبمواجهته أقر بارتكاب الواقعة.