سعاد لـ محكمة الأسرة: أخوات جوزي طردوني وطمعانين في حق بنتي

كانت سعاد في محكمة الأسرة بعد قصة طويلة مؤلمة عاشتها، كانت بدابتها عندما توفى زوجها الأول وتركها هي أولادها الخمسة وحدهم في الدنيا، وانتهت قصتها بوفاة زوجها الثاني أخو الزوج الأول واتجهت لمحكمة الأسرة بعد وفاته حتى تحصل على حقوقها التي سرقها منها اخواته بحجه أنها لديها منه ابنه وليس لها حق في الورث.

قصص محكمة الأسرة.. جوزي كان بيشتغل وبيصرف علينا

قالت «سعاد» في بداية حديثها : «أنا كنت متجوزة أول مرة من ٢٥ سنة كان جواز عن طريق المعارف ناس يعرفونا قالوله عليا واتقدملي واتجوزنا وخلفت من جوزي ٥ أولاد وكان راجل كويس ومفيش منه مشاكل كان بيشتغل وبيصرف علينا ومش مخلينا محتاجين حاجة». 

حكايات محكمة الأسرة..اتجوزت عم اولادي

تابعت «سعاد» حديثها قائلة: «لحد ما جوزي اتوفى جاتلة جلطة ومات فجأة، بعد وفاته كنت لوحدي أنا والخمس عيال ومكنتش عارفة اعمل ايه مكنش معايا حتى اني اكفيهم مصاريف أكل وشرب، كنت عايشة في بيت عيلة أهل جوزي محدش وقف معايا ، بس الاهل اتدخلوا وخلوني اتجوز اخو جوزي عم ولادي».

دعاوي محكمة الأسرة..جوزي كان بيعامل ولادي زي ولاده

أضافت الزوجة: «اتجوزته عشان خاطر ولادي والاقي حد ياخد باله منهم ويصرف عليهم لأني مقدرش اصرف عليهم لوحدي، وهو كان كويس وبيصرف عليا وعلى الولاد ومش مخلينا محتاجين حاجة وبيعامل ولادي زي ولاده وهو اللي جوز بنتي الكبيرة، كان لينا ورث من جوزي بس كان معاه وهو اللي متحكم فيه، خلفت منه بنت واحدة بس والدنيا كانت ماشية، لحد من قريب مات هو كمان بس تعب قبلها وكان عندي امل يخف بس مات».

قضايا محكمة الأسرة.. عايزة اخد حق بنتي

أنهت «سعاد» حديثها قائلة: «بعد وفاته أخواته البنات بهدلونا طردونا أنا وبنته من البيت وقالوا انها عشان بنت ملهاش ورث وملهاش حق عندهم، خدو كل حاجة كان سايبها وكان جوزي الأول سايبها لولاده، جيت عشان أعمل اعلام وراثة عشان أعرف اخد حق بنتي اللي ابوها مات وملهاش حد في الدنيا ولادي الأوانين كبروا خلاض وكل واحد شاف حاله».