خناقات على راس الميت حلمي بكر مستمرة | فيديو

الخناقات على راس الميت مستمرة حتى بعد وفاته ، عزا حلمي بكر كان عبارة عن مشادات كلامية وخناقات صورتها معظم كاميرات الصحافة والتليفزيون ، علامة استفهام كبيرة وحلقة مهمة مفقودة المفروض تفسرلنا كل اللي بيحصل ده ، يمكن نعرفها الأيام الجاية.

خناقات على راس الميت حلمي بكر مستمرة | فيديو  

كانت أشهر الخناقات في عزا حلمي بكر اللي أقيم امبارح بين المنتجة ليلة الشبح والفنانة هند عاكف، اللي لما شافتها قالتلها فين الـ 2 مليون جنيه يا هند يا عاكف ، انتوا عالم نصابين جاية تقتلي القتيل وتمشي في جنازته.

ومن هنا بدأت خناقة كبيرة في مكان عزا السيدات .. ولو ماتعرفش فـبنت أخت هند عاكف تبقى مرات نور مدير أعمال حلمي بكر المتهم في عملية النصب على حلمي بكر في 2 مليون جنيه و 28 ألف، وبسبب الفلوس اللي فقدها حلمي بكر دي اتهدورت حالته الصحية لحد ما اتصاب بكهربا زيادة على القلب وبعدها فشل كلوي أدوا لوفاته. 

وقبل خناقات العزاء ، كان فيه خناقة استمرت 13 ساعة على مكان دفن جثمان حلمي بكر بين سماح القرشي مراته وأخوات الراحل، وطول فترة الخناقة بين الطرفين كان جثمان حلمي بكر خارج تلاجة الموتى، عشان في النهاية مديرية الأمن تصدر قرارها بالتحفظ على الجثمان لحين وصول ابنه من أمريكا ، وفعلا وصل هشام حلمي بكر بعد 24 ساعة من وفاة والدة ودفنه بإيده في مقابر العيلة، لكن الخلافات بينه وبين سماح القرشي مستمرة، ودخل على نفس الخط ده المستشار مرتضى منصور كمحامي لأسرة حلمي بكر ضد سماح القرشي.