اعترافات "الأسطى" المتهم بسرقة ذهب الفنانة ميرهان حسين

ننشر تحقيقات نيابة المقطم والخليفة الجزئية، اليوم الإثنين، في واقعة سرقة الفنانة ميرهان حسين بمنطقة المقطم.

اعترافات المتهم الأول بسرقة الفنانة ميرهان حسين

قال  أحمد أيمن، 25 سنة، عامل، في واقعة اتهامه بالسرقة : «الكلام ده محصلش، واللي حصل أني اشتغلت مع المهندس حسين في شقتين واحدة في الدور الأول والثانية في الدور الثاني علوي وعملت شغل السيراميك اللي فيهم وبعدين خلصت شغل وكان معايا في الشغل محمد وبعدها خلصنا الشغل اللي كان مطلوب مننا وظلبنا حسابنا المهندس حسين كان سايبلنا حسابنا مع واحد جاره ولما جاره ده حاسبني قالي انت لك معايا 5 آلاف جنيه ، قولتله تمام، وخلي المهندس حسين يبعت الباقي على فودافون كاش ومفيش مشكلة بعدها المهندسحسين كلني قالي تعالي خد باقي حسابك قولتله ماشي أنا جايلك لما وصلت مكان البيت بتاعه لقيت ناس واقفه ضربتني وشتمتني وقبضوا علينا».

كان والد الفنانة، مهندس حر، أبلغ عن تعرض نجلته للسرقة، موضحًا أنه اكتشف سرقة مشغولات ذهبية خاصة بابنته من داخل منزلها تحت التشطيب بالطابق الثاني في نفس العقار الذي يقطن به، وهي عبارة عن «4 ساعات مختلفة الأشكال والماركات، 8 خواتم ذهب حلق، 2 كوليه، سلسلة بجنيه ذهب، 2 غويشة، إضافة إلى بعض الأحذية البراند»، واتهم ثلاثة متهمين بالسرقة.