المليونير المتشرد هاينز بي.. عنده 10 عمارات وبياكل من القمامة
ثري يبحث عن الطعام في براميل القمامة.. تبدأ قصتنا من المأنيا، حيث يعيش رجل ثرى يبلغ من العمر 80 عامًا، يُدعى هاينز بي، يمتلك 10 عقارات في ألمانيا، وتقدر قيمة ثروته بملايين الدولارات. المدهش في الأمر إنه تم التقاط صورة لهذا الرجل وهو يبحث عن الطعام في صناديق القمامة ، فما قصة هذا الثري؟.. ولماذا يبحث عن الطعام في صناديق القمامة؟.. في هذا الموضوع نروي القصة الكاملة لـ ثري يبحث عن الطعام في براميل القمامة.
لو أديتك 10 عمارات في ألمانيا وثروة ملايين الدولارات.. تخيل كده هتعيش حياة عاملة إزاي؟؟؟ تخيلت؟ تعالي قولك بقى الشخص اللي معاه الثروة دي فعلا عايش إزاي.
شايف صورة الراجل الغلبان اللي بيدور في الزبالة على لقمة يسد بيها جوعه ده.. هو نفسه المليونير الألمانيي هاينز بي صاحب الثروة اللي ذكرناها من شوية.
هاينز عايش في مدينة دارمشتات في غرب ألمانيا، وبرغم العماير والملايين اللي بيمتلكها .. إلا إنه عايش حياة زي المشردين والحياه دي هو اللي اختارها بنفسه.. فبيقول هاينز إنه بيدور على الأكل في صناديق الزبالة عشان يوفر تمن الأكل، وإن معظم الأكل اللي الناس بترميه بيكون لسه صالح للأكل، ده غير إنه كده بيحافظ على البيئة.. هاينز شايف كمان إن البحث عن الأكل في الزبالة وأكله هو من عمليات إعادة التدوير وبالتالي هاينز كده بيحافظ على البيئة.
قصة هاينز اتشهرت في الإعلام والسوشيال ميديا الألمانية، بسبب إن واحد شافه وهو بيدور في صناديق الزبالة وتعرف علية، ونزل صورته على الفيسبوك وحكى للناس قصته.
الناس على السوشيال ميديا أخدوا اتجاهين، أصحاب الاتجاه الأول شايفين إنه نموذج للنجاح يحتذى به، إزاي الراجل ده جمع فلوسه ومحافظ عليها، وعايش حياه بسيطة في ظل الهدر الغذائي في العالم كله، والاتجاه التاني شايف إن كده مش بيوفر فلوسه وإن هاينز بخيل ومش مقدر قيمة النعم اللي عايش فيها.
شاركنا أنت برأيك وقولنا وجهة نظرك في المليونير هاينز بي؟